منتدى الفرح المسيحى - العلاقة الحقيقية مع الله بتخلي الإنسان يحِب الحياة

https://upload.chjoy.com/uploads/170091372707141.jpg

واحدة من أكتر الأفكار المُشوَّهة عن الحياة مع ربنا
مُتمثِّلة في أننا عشان نعيش مع ربنا لازم نكره الحياة ونزهد فيها!

والحقيقة إن ناس كتير بيتبنوا القناعة دي بشكل لاواعي🤷،
وبيعيشوا على أساسها حتى وهما مش واعيين إن الفكرة دي متأصلة فيهم...

وده اللي بيخلي ناس كتير تنفر من الحياة مع الله،
لأن الحياة مع الله بالنسبالهم بتتطلب إنه -بشكل ما- يموت عن العالم،
والإنسان غريزة البقاء شغالة جواه فطبيعي أنه عاوز يعيش!

فيا إما الإنسان بيسيب الحياة مع الله خالص وينفصل عنه،
يا إما بيعيش مع ربنا لكن كل حاجة بيعملها
بتكون مخلوطة بإنه حاسس بالذنب!🥹

بس الحقيقة،
اللي ربنا علمهاني، واللي قدرت أتقبلها
بعد ما إتعافيت من أتعاب نفسية كتير
كانت مشوشة على حياتي الروحية،
هي أن العلاقة الحقيقية مع الله، بتتطلب موت عن (شر العالم)
مش عن أننا نعيش ونحس بعطية الحياة أساسًا!🤩

العلاقة الحقيقية مع الله بتخلي الإنسان
يحِب الحياة ويحِس بغلاوتها وقيمتها❤️❤️،
مش بتخليه يزهد فيها ويحتقرها وكإن الحياة في حد ذاتها شر!!!
بتخليه يعيش الحياه ويتمتع بيها ولكن مع الله 🙋

"مجد الله يتجلَّى في الإنسان الذي يعيش ملء الحياة"