منتدى الفرح المسيحى - حبيت افكركم وافكر نفسي

https://upload.chjoy.com/uploads/170090950697941.jpg

بيقولوا أن فاقد الشيء لا يعطيه ..
لكن يبدو ان – أحيانًا – فاقد الشيء ..
هو أكتر شخص مقدّر إحتياج
الناس ليه ..

وبالتالي هو أكتر شخص قادر على إعطاء الشيء ده!

بصلّي لنفسي ولكل شخص ..
مهما إتخذلنا في ناس بسبب فضحهم لسرّنا ..
نكون أمان لغيرنا ونحفظ سرّه!

مهما إتعيَّرنا بسبب كلمة أو فعل، زلِّينا فيهم ..🥹
نكون حضن وإحترام لكل شخص، مهما وقع أو زَلّ!

مهما سمعنا من كلام بيوجع ويجرح ويهدم ..
نكون زي نفتالي ويعبيص وبنيامين ، بنقول كلام يبني ويشفي ويريَّح!

مهما إتحرمنا من حُب، من المفترض أنه ييجي من "قَريب" ..
نكون حب وحنان لغيرنا، مهما كُنَّا بالنسباله "غريب"!

ونتحوِّل – بنعمة الله وسندته – زي نفتالي:
من صراع وخناق، ملناش ذنب فيهم ..
لحريّة وأقوال حسنة
حبيت افكركم وافكر نفسي 🙏