منتدى الفرح المسيحى - الله يقدر ينتشلنا ويستردنا ويرجعنا

https://upload.chjoy.com/uploads/170047313481051.jpg

وجهة نظره إنه جاي يخلصهم من الظلم والقهر اللي هما فيه..
بس هما كان رأيهم "مَنْ جَعَلَكَ رَئِيسًا وَقَاضِيًا عَلَيْنَا؟ "
دايمًا شايفينه إنه ابن ابنه فرعون ومش حاسس بيهم،
هرب موسى منهم عشان خاف!

للوهلة الأولى يبان أن كلام ربنا ضاع والهدف مش هيتحقق
، لكن في مشهد تاني بعد أكتر من ٤٠ سنة من ضياع الهدف
والدعوة والهوية بتاعتهم، الله قال لموسى
أنا عايزك إنت تكون قاضي الشعب ورئيسه،
وعلى إيدك هتتحقق آيات ومعجزات تبين لهم إني أنا اللي باعتك،
ماتخافش مش هتبقى لوحدك، أنا باعت معاك هارون هو هيتكلم بلسانك، إيدي هتبقى سابقة إيدك..

يمكن تقول إنك عايش كده من غير هدف أو يمكن تتوه دعوة حياتك وتحس إنك فشلت، لكن مهما طال الوقت الله مش بينسى،
قيمتنا ثابتة فيه..
الله يقدر ينتشلنا ويستردنا ويرجعنا تاني نمشي في مشيئته..
الكلام دا ليك وليّ، خليك واثق فيه💜