منتدى الفرح المسيحى - ترنيمة ✝كل يوم تحت صليبك ✝

https://upload.chjoy.com/uploads/160150046729681.jpg

كل يوم تحت صليبك
كنت بافكر دايماً فيك
ياربي وأجيلك

من غير خوف زي أبويا
عن أسراري وعن حكاياتي
هناك باحكيلك

كنت كتير يا ربي بافكر
من دلوقتي وحتى أما أكبر
إني لا يمكن يوم
هاتغير وأنسى صليبك

كنت في قلبي دايماً أصلي
يفضل حبك في تملي
ومافيش حاجة في يوم تمنعني
انى أجيلك وافضل أحكيلك

وأما كبر ناديتك تاني
بس لقيت في إيدي
ياربي قيود منعاني

حزن وخوف
مالي كياني
سجن خطية وحب
وشهوة عالم فاني

وبقيت تاني يارب بافكر
امتى أرجع لك وازاي هاقدر
أقعد زي ما كنت صغير تحت صليبك

وبقيت تاني في قلبي باصلي
إنك تغفر لي وتخلي
شهوة قلبي وروحي تملي
إني أجيلك وافضل أحكيلك

وأما رجعت لقيتك حاني
بين احضان الآب في الروح
فرح يملاني

مسحت دموعي
جددت كياني
باعترافات
من عمق القلب
ندم جواني

وإزاي بقى يا رب هاكافئك
على غفرانك وعلى رعايتك
هافضل طول الوقت أطاوعك
جوه طريقك

ويكون قلبي بيرنم لك
طول العمر هامجد اسمك
أغلي ما عنده بيقدملك لما أجيلك