منتدى الفرح المسيحى - ذكاء وحكمة اب (البابا الذى لا نعرفة)

https://upload.chjoy.com/uploads/154183100861421.jpg

أبونا بيحكي لنا إن يوم زيارة البابا تواضروس لكنيستنا علشان يفتتح المستشفي ،
الأسانسير بتاع المستشفى عطل و عَلّق و بقي عمال ينزل و يطلع بشكل غريب و مضحك
( يطلع ال 7 بعدين ينزل الأرضي بعدين ال5 بعدين ينزل ال 2 و هكذا.. )
و سيدنا البابا جواه و كان معاه نيافة الأنبا ثيئودوسيوس
و الحارس الشخصي و بنت من الكشافة و فني المصاعد نفسه كان محبوس معاهم جوا 😂
.. و كل شوية حد يقول دول طلعوا الخامس ،
يقوم باقي حرس البابا طالعين جريّ عالسلم ،
بعدين يسمعوا صوت : « نزل ال تالت » .. يقوموا نازلين جريّ
..
المهم سيدنا الأنبا ثيئودوسيوس اتكسف جداً من البابا و الحرس ابتدأ يتوتر جداً ..
راح أول ما الاسانسير فَتَح أخيرا ..بابا ساعتها كان في وش سيدنا البابا على طول ..
بيقول لنا البابا خرج مُبتسم و ضحك في وشهم و راح قال : "
اتفسحنا فُسحة ... هايلة " 👌 و هو عمال يضحك
بعدها راح قال : " تقريباً أنا افتتحت كل أقسام المستشفى من و أنا ف الأسانسير "

ب ذكاء خلاهم كلهم يضحكوا و فك التوتر اللي حصل
و كأن مافيش حاجة حصلت و قعد يهزر قاصِد علشان
مايحرِجش حد م الآباء أو سيدنا الأنبا ثيئودوسيوس و يعدي الموقف
#البابا_الذي_لا_نعرفه ❤