منتدى الفرح المسيحى - من أجمل الصور اللي اترسمت للقديس القوي انبا موسي

https://upload.chjoy.com/uploads/159351900422251.jpg

من أجمل الصور اللي اترسمت للقديس القوي انبا موسي

شرح الأيقونة :
+ الأنبا موسى واقف في وضعية الصليب زى ما الذكصولوجية بتاعته بتقول .. واقف غالب إبليس
و إبليس خايف منه أو بمعنى أدق خايف من وضعية الصليب

+ الأنبا موسى بيشاور على المسيح لأن هو مصدر قوته و إنتصاره
و المسيح بدوره باصص عليه يشمله بالرعاية و لم يتركه

+ الأنبا موسى لابس إسكيم و حزام أحمر، رمز لإستشهاده الفعلي و إستشهاده في حياته الرهبانية

+ الأنبا موسى لابس من جوه توب أبيض و من برا لابس شال أسود، رمز لبشرته السوداء من برا و بياض قلبه النقي من جوا
(و تاريخياً ده كان الزي القبطي الأصيل للرهبنة في القرون الأولى)

+ الجمجمة بتترسم في كل أيقونات الرهبان رمز لموتهم عن العالم

+ الشمس المشرقة في الخلفية دليل على شروق نجم مضيء في الرهبنة، كان سارق زاني و بقى راهب شهيد أيقونة

+ شال الشيطان الأحمر رمز للشهوة اللي عذبت الأنبا موسى، لكنها في ضهره لأنه أتغلب عليها و الشيطان واخدها معاه للجحيم مهزوم بيها