منتدى الفرح المسيحى - ســـمع صـــلاتى

الابن / ك-و-ف الهرم
ارسل لنا يقول

اصيبت باسهال شديد وقى وكنت تعبان جدا لدرجة انى طلبت لنفسى الموت عشان استريح وعرضتنى والدتى على طبيب مشهور جدا فى الجيزة ولكن الطبيب قال لوالداتى لاسف انت احضرتية فى فترة متاخرة يعنى دة محتاج لمعجزة علشان اصح عندة جفاف شديد خدية معاكى البيت واعطى لة سوائل كثيرة لانة مش هيقدر ياكل اى حاجة واخذتنى امى الى المنزل وهى تقول ربنا اعظم طبيب وهو بس اللى هيقدر يشفيك ببركة وشفاعة البابا كيرلس وفى البيت احضرت لى اختى الصغيرة صورة البابا كيرلس وقالت لى انا عندى ثقة فى البابا كيرلس انة مش هيسيبك فعلا اخذت منها الصورة ووضعتها جمبى وفى كل ليلة اصلى واطلب شفاعة البابا كيرلس وكان اخر يوم فى الاسبوع وكان الكل بجوارى وحسيت انى تعبان وطلبت منهم ان يتركونى وحدى وفعلا خرج الجميع من الغرفة الخاصة بى وصليت حسب العادة وبدات انام وفى الليل جائنى البابا كيرلس ومعة جندى عرفت بعدين انة القديس مارمينا وقال

يا " فلان" قوم ربنا سمع صلاتك قوم اطلب من ماما اكل وكل متخفش انت مش مريض خلاص والغريب ان الغرفة بتاعتى اتملت بخور عجيب ولما طلبت من والدتى ان تعطينى الاكل كانت خائفة على لان الهضم عندى كان صعب لكن لما قولت لها عما حدث قالت طوباك يا بابا كيرلس هكذا قال الرب يسوع المسيح اطلبوا تجدوا واقرعوا يفتح لكم كل ما تطلبوة باسمى تنالوة

من كتاب البابا كيرلس يزور المحتاجين