منتدى الفرح المسيحى

منتدى الفرح المسيحى (https://www.chjoy.com/vb/index.php)
-   قصص مسيحية متنوعة (https://www.chjoy.com/vb/forumdisplay.php?f=42)
-   -   #طوق_الورد (https://www.chjoy.com/vb/showthread.php?t=637051)

بنت معلم الاجيال 06 - 08 - 2019 08:16 AM

#طوق_الورد
 
#طوق_الورد
تأليف كيرلس وديع..
كنيسة من الكنايس اعلنت عن مسابقة الخادم المثالى على مستوى الايبارشية وعلى كل كنيسة ترشح واحد او اتنين بحد اقصى..
كل الكنايس شاركوا وحددوا معاد للحفلة بحضور سيدنا وفى الحفلة بقى كل مجموعة خدام يطلعوا يتكلموا عن الخادم اللى مرشحينه ..مجموعة من الخدام حكوا عن الخادم اللى مرشحينه انه اكتر حد بيخدم وملتزم وكنيسة تانى حكوا الخدام عن الخادم اللى مرشحينه..انه اكتر خادم عنده اتضاع ومحبة ..وكنيسة تانى حكى الخدام عن الخادم اللى مرشحينه انه كان اكتر حد نشيط وفعال فى الخدمة..
كل كنيسة خدامها يحكوا عن الخادم اللى مرشحينه الا كنيسة واحدة ..
مخدومينها هما اللى رشحوا خادم من غير ما يعرف وهما اللى طلعوا يتكلموا عنه..
وفجاءة وسط الحضور تطلع مكرسة وتقول..
انا تاسونى فيرينا منال سابقا انا من قرية فقيرة وبسيطة جدا يمكن حضاراتكم عمركم ما سمعتوا عنها..
احنا مكنش عندنا كنيسة فى بلدنا لكن كان فيه كنيسة على بعد بلدين مننا يعنى حوالى ٧ كيلو..
كان فيه واحد اسمه عمى شحاتة كان عنده كرتة عربية كارو يعنى كان بياخدنى فيها انا واخواتى وجيرانا كل يوم جمعة
يودينا القداس ويرجع ياخد ناس غيرنا ..
انا اصلا يتيمة من الاب عمى شحاتة كل يوم جمعة بعد القداس كان بيشتريلى حلاوة ويطبطب عليا ويدهالى ..
وفى يوم تانى امى تعبت ومكنتش عارفة اعمل ايه لقيت عمى شحاتة قدام بيتنا ومراته باعت جزء منهبها عشان امى تعمل العملية انا فاكرة اليوم دا انى بكيت بسبب حنية عنى شحاتة اكتر ما بكيت على امى التعبانة !
وكنت متاكدة انها هتخف بسبب العطية المليانة حب وتضحية ..
عمى شحاتة انا النهاردة بسببه تاسونى فيرينا اللى كلكم عارفينها لكن مكنتوش تعرفوا بلدها ..
بلدها اللى مكنش فيها كنيسة بس كان فيها خادم هو كان جاهل بس علمنى كتير مكنش مثقف بس كان بيحب بجد مكنش غنى قوى بس كان بيعرف يدى ويحن..
حتى لو مكنش مصنف تحت لقب خادم لكن كان اعظم خادم عرفته واللى بسببه حبيت المسيح وكرستله حياتى شكرا لوقت حضاراتكم تاسونى فيرينا..
وهنا كانت المفاجئة الاكبر اللى وقفت كل الشعب والكهنة والخدام والاكليريوس على رجليهم..
لما سيدنا مسك المايك وقال انا من نفس بلد تاسونى فيرينا وكنت باركب معاها فى عربية عمى شحاتة..
وهنا نزل سيدنا مع تاسونى فيرينا من على المسرح ماسكين طوق ورد مكتوب عليه الخادم المثالى ولبسوهله..
______________
يا تراء كم خادم فى كنايسنا النهاردة عمى شحاتة ؟!
حد بسيط قوى حد يمكن مبيعرفش يتكلم بس بيعرف يحب مبيعرفش يوعظ بس بيدى ويكون اب ليتامى حد بيعافر يوصل الناس لربنا حتى لو كنيسته كانت بعيدة عنهم!
يا تراء مين فى حضاراتكم بس بعلمه وثقافته ودراسته الكنسية (بس) يقدر يطلع من بين ايده مكرسات واساقفة ورهبان ؟!
يوم ما عمى شحاتة يرجع يكتر فى كنايسنا تانى ويكونله نسخة فى كل كنيسة او اكتر انا متاكد انه كنايسنا هتتملى ناس اكتر.. ناس رايحة تصلى بجد وحبوا ربنا اللى شافوه فيكم حبوه وحبوا بيته ..

walaa farouk 06 - 08 - 2019 08:46 AM

رد: #طوق_الورد
 
ميرسى على مشاركتك الجميلة
ربنا يفرح قلبك

Mary Naeem 06 - 08 - 2019 10:45 AM

رد: #طوق_الورد
 
ناس رايحة تصلى بجد وحبوا ربنا اللى شافوه فيكم حبوه وحبوا بيته
قصة جميلة جدا
ربنا يبارك حياتك

بنت معلم الاجيال 06 - 08 - 2019 11:02 AM

رد: #طوق_الورد
 
ربنا يعوضك نورتي الموضوع


الساعة الآن 04:43 AM

Powered by vBulletin® Copyright ©2000 - 2024