منتدى الفرح المسيحى - ليه ساعات لما بنكون قلقانين جدا بنام ؟!!

https://upload.chjoy.com/uploads/1504777201231.jpg

ليه ساعات لما بنكون قلقانين جدا بنام ؟!!

الطبيعي لما الواحد يكون تحت ضغط و توتر أنه يفضل صاحي و مركز علطول ،
بس ساعات بتلاقي نفسك في وسط ما أنتا محاصر بالمشاكل الكتيرة غصب عنك سرحت في ملكوت تاني و نمت ؟! أو حتي مع اللي حواليك ،

كلنا عندنا صاحبنا اللي وقت ما يكون عنده بلاوي الدنيا تلاقيه فجأه نعس و انتوا قاعدين بتناقشوا حتحلوا البلاوي ديه ازاي !!!
أو صاحبتك اللي عماله تشكي لك علي همومها فجأه تلاقيها وقعت علي ضهرها و غفلت شوية ع الكنبة ؟!
و اللي لو الشخص ده مستغربش من نفسه اللي حواليه أكيد حيستغربوا أيه البني أدم الحلوف ده ؟!

الـ fear naps ..
الموضوع موجود بس للإسف ملوش تفسير قاطع إن ليه ساعات في عز توترنا ننام ؟! ..
في نظرية بتقول إن الموضوع له علاقة بإنخفاض نسب السكر الـ Glucose اللي واصله للمخ و اللي بتدفعه انه يهدي من نشاطه شوية فينام ؟! ..
في تفسير تاني انه زي وسيلة دفاع عشان الجسم ميفضلش يتوتر يتوتر لغاية ما ينهك تماما ،
إنما الجسم بيهدي نفسه بنفسه ..
في تفسير انها وسيلة هروب او زي distraction العقل بيلاقي حاجة زي النوم
عشان يلهي نفسه عن قرف التفكير و ألم القلق ..

في النهاية ، لما يحصل معانا كدة و نكون داخلين إمتحان شفوي أو انترفيو شغل و نفضل نتاوب او يكون عندنا موضوع مهم جدا لازم نخلصه بس نفكس و ننام أو في أزمة مصيرية لازم حل فوري و تلاقينا ريحنا شوية بكل برود ! ،،
ده مش معناه أننا جبلات او مش حاسين بالموقف ..
إنما مجرد fear naps حنقلبها بسرعة و نرجع نلحق القلق و التوتر و القرف من أوله!