منتدى الفرح المسيحى - هو الوحي مبينزلش غير علي البطاركة وبس

https://upload.chjoy.com/uploads/1518361892411.jpg

القصة ديه حكاها ابونا بنيامين مرجان واحنا في دير ابو مقار...
كان ابونا صليب سوريال كاهن كنيسة مارمرقس الرسول بالجيزة قد اتوسط للبابا كيرلس قبل عيد تجليسه العاشر .. لحل مشكلة ابونا متي المسكين والرهبان اللي معاه... علشان يروحوا اي دير.. فوافق البابا كيرلس وقال لابونا صليب قولهم يروحوا دير المحرق.. سافر ابونا صليب ومعاه الارشي رمسيس نجيب لابونا متي المسكين .

. وهم في الطريق نام ابونا صليب وسمع صوت بينادي تلات مرات ابو مقار..

. كان ساعتها الدير غير عامر وفيه عدد قليل جداا من الرهبان ومفيهوش اي امكانيات

.. وصعب الحياة الرهبانية فيه ..
وصل ابونا صليب وقال لابونا متي المسكين سيدنا البابا بيقولك روح دير ابو مقار...
تاني يوم ابونا صليب راح للبابا كيرلس وقاله انا قلت لابنك متي المسكين يروح دير ابو مقار..

. غضب البابا جدااا وانفعل بشده وقاله انا قلتلك المحرق انت ازاي تتصرف من دماغك...
ابونا قاله علي الصوت اللي جاله في الحلم... واحساسه أنها رسالة من السماء..
رد عليه البابا كيرلس بلهجته الصعيدي وقاله .. يعني جالك الوحي...
راح ابونا صليب قاله بابتسامته .. . ايوه جالي الوحي يا سيدنا .. هو يعني الوحي مش بيجي غير للبطاركه والمطارنه وبس .. ممكن يجي برده لكاهن صغير غلبان ....
واتحلت المشكلة .. وأصبح الدير من أكبر واجمل الأديرة ..