منتدى الفرح المسيحى - أعمالك تشفعلك"

https://upload.chjoy.com/uploads/154733264675421.jpg

كتير بنسمع لصوت العالم "بلاش تتعامل بطيبة زيادة ،
بطل سذاجة وامانة انت بتتعامل مع ذئاب "
وكتير بنوقف نعمل اعمال صالحة ونسلك بأمانة لاننا مش بنلاقي رد الفعل المطلوب
في زمن كله غش وانانية وعدم امانة .
. لكن الكتاب له راي اخر ان الله بيراقب امانتك واعمالك الحسنة وبتشفعلك في كوارث وامور صعبة ..

في قصة يهوشافاط الملك .. وقع في ذنب عظيم انه اتحالف مع اخاب الشرير
واتحد بيه ووقع في نفس غلطة والده آسا اللي الله وبخه وسابه لحروب صعبة في حياته ..
لكن بعت له نبي وقاله ان الله غضبان جدا لكن نظر فيك امور صالحة وكان قلبك مهيأ لطلب الله
.. فالله تراجع عن غضبه .

ماتوقفش امانة في حياتك الخاصة في علاقاتك في شغلك في صلاتك ..
وماتندمش علي طيبتك او سلوك محدش قدره
.. الله شاف كل حاجة وأعمالك دي هاتكون رصيد ليك اما هتتكافئ بسببه وينجح طريقك بيه .
. او هايشفعلك في كوارث صعبة وعك في حياتك
.. الله مش هاينسي كل كوب ماء بارد قدمته بمحبة .
. او دمعة انسحاق قلب في عالم متحجر .

ماتنتظرش التقدير من الناس ..
لكن اعمل كل حاجة تقدير للملك والتكريم منه أعظم بكتير .