منتدى الفرح المسيحى - ملايكة مدارس الاحد

https://upload.chjoy.com/uploads/1531299213481.jpg

بنوتة ف مدارس الاحد كان معاها 2 جنيه
واحد للعطا وواحد للحاجة الحلوة وقع منها جنيه منهم
وجه وقت لم العطا لقيتها بكل بساطة وفرحانة بتحط العطا وبتقولي ياميس "مش انا لو حطيت الجنيه ده
وانا معيش غيره بابا يسوع هيديني اكتر
وهيجبلي هو حاجة حلوة بدل الجنيه ال ضاع"
قولتلها اه ياحبتتي بابا يسوع هيديكي غيره كتير
كمية الانبساط والبهجة ال علي وشها
وهي بتحط العطا وبتقول لبنت جمبها
حطي حطي ده بابا يسوع هيدينا غيره كتير
خلصنا مدارس الاحد والاقي مامتها جاية تاخدها
ومعاها كمية حاجات حلوة كتير اووي
البنت سابت مامتها ورجعتلنا الخدمة تجري
وتقولي بابا يسوع حلو ^^ بابا يسوع جابلي حاجات حلوة كتير مع ماما بصي بصي ياميس قد ايه
ايه ياربي كمية الثقة والايمان ال ف قلوب الاطفال دي
ملايكة مدارس الاحد
هفضل اتعلم منكو كتيررر
💙