|
تفتكروا دة حب ولا اهانة ؟؟؟؟
https://upload.chjoy.com/uploads/1471260761971.jpg
إهانة أم حب!!!.. عروس تغسل قدم زوجها خلال الزفاف أثارت عروس قامت بغسل أرجل زوجها فى الفرح حالة من الجدل على موقع التواصل الاجتماعى فيس بوك بين رافضا للفكرة ومؤيدا وبين من وجدها إهانة للمرأة ومن وجدها حالة من التعبير عن الحب الحقيقى. اولا عايزه اعرف رأيكم فى الموضوع ده ؟ وبعد كده هقولكم الاراء اللى انتشرت على الفيس |
رد: تفتكروا دة حب ولا اهانة ؟؟؟؟
بصي يا رينا عاوزة اقولك أنها لو بتحب هتعمل كده واكتر فليس فى الحب إهانة طالما ان الشخص يستحق هذا الحب جايز اووووى يكون الشخص ده أداها الحب إللى خلاها تنحنى وتغسل رجله ...اما لو بدون فطبعا هتكون إهانة إنها تعمل حاجة زى ديه لو كانت أجبرت مثلا منه على كده |
رد: تفتكروا دة حب ولا اهانة ؟؟؟؟
انا فاهمه كلامك كويس جدااااااااااااا ومعاكى فيه كمان
لأن مدام فى حب يبقى مفيش حاجه اسمها اهانه بس الفكره فى انها تعمل ده قدام الناس وبالفستان الابيض وقدام الكاميرا والصور هو ده السؤال او التحدى زى ما بيقولوا |
رد: تفتكروا دة حب ولا اهانة ؟؟؟؟
اقتباس:
جايز اووووى يا رينا أنها تكون من محبى الظهور او بمعنى تانى تكون بتحب تلفت الأنظار ليها وأظن مفيش حاجة أكتر من كده تلفت النظر ولا ايه |
رد: تفتكروا دة حب ولا اهانة ؟؟؟؟
ممكن بردو انه يكون ده السبب
|
رد: تفتكروا دة حب ولا اهانة ؟؟؟؟
ايه ياجماعه فينكم عايزه اشوف رأيكم ف الموضوع ده .........
|
رد: تفتكروا دة حب ولا اهانة ؟؟؟؟
الموضوع مش اكتر من شو اعلامي هما عملوا كدا علشان الناس تتكلم لكن انه شيء مهين امام الناس لكن بينهم وبين بعض مافيش حاجة فيها اهانة هما بصراحة عايزين الحرق الرجالة بتاعتنا تعمل ايه لما تشوف كدا استرها يارب علينا دا في رجالة كتير هتتدبح النهاردة |
رد: تفتكروا دة حب ولا اهانة ؟؟؟؟
ميرسى على مرورك مارى وانا كمان معاكى فى الرأى
|
رد: تفتكروا دة حب ولا اهانة ؟؟؟؟
لا طبعا إهانه
|
رد: تفتكروا دة حب ولا اهانة ؟؟؟؟
اقتباس:
ههههههههههه عجبني ردك يا كببرة |
رد: تفتكروا دة حب ولا اهانة ؟؟؟؟
ميرسى على مروركم الغالى ورأيكم
:):):):):) |
رد: تفتكروا دة حب ولا اهانة ؟؟؟؟
+ فعلا الموضوع قرأته على الفيس بوك أكثر من مرّة... وجهة نظرى أنا حُب وعشق وإحترام وحنــــــــان وتقديــــر وهمس ولمس فى هيـــــــــــام وغــــــــــــــــــــــــــــــــــــــــــــرام والرجــــــل والمــــرأة جســـــــد واحــــــــــد فى روحــــــــــــــــان متعانقــان فى هيـــــام والرجــــــل عندمـــا يقبـــل يديهــــا بل وقدميهــأ فى حب وعشق ودلال هل فقد الإحترام كانت النساء فى الماضى تغسل أقدام زوجها من التعب والإرهاق وتنشفهم فى إبتسـام ما أجمل القبلات الصادقة المتبادلة بالحب والعشق بين رحيق عذب يشدو بالأنغــــــــــــام عندمـــا يعشـــق الرجــــــل المـــرأة يقبل كل شئ فيها من شعرها العاطـــر حتى الأقدام فالحب همسات ونغمات ولمسات ناعمة وقبلات عذبة ساحرة وقلـوب عاشقة فى وئـــــام هـــذا يارينـــــــا رأى الشـخصى لى أنا وقــــد وضـــحته لك بأعـذب وأجمـــل الكـــــــــــلام *** مرقس إسـكندر مقار |
رد: تفتكروا دة حب ولا اهانة ؟؟؟؟
+ والأستاذة الفاضلة المحامية الأولى فى مصر مفيدة عبدالرحمـان كانت تمسح الحذاء لزوجها صـاحب المطبعة رغم عندها خادمتان الحُب همسات وخفقات ولمسات حانية تمسح الدمع من العينان + مرقس إسـكندر مقار |
رد: تفتكروا دة حب ولا اهانة ؟؟؟؟
مش عارف .. بس مثل هذة الأمور لا تمارس على العلن امام الجميع ممكن يكون دة تعبير منها لمواقف هو عملها معاها لكن المهم يستمر الحب المتبادل ما بينهم الى اخر العمر .. |
رد: تفتكروا دة حب ولا اهانة ؟؟؟؟
هو المشكله مش فى انها تغسل بس المشكله فى التوقيت والمكان
ايه الداعى انها تعمل كده فى يوم الفرح ياستى لماتروحى عملى اللى عوزاه موقف غريب الحب يعمل معجزات |
رد: تفتكروا دة حب ولا اهانة ؟؟؟؟
ميرسى على مروركم ورأيكم الغالى
:):):):) |
رد: تفتكروا دة حب ولا اهانة ؟؟؟؟
ممكن هي لو عملت كدة من نفسها يبقي حب انما لو هو ال طلب منها كدة دا يبقي اهانة
|
رد: تفتكروا دة حب ولا اهانة ؟؟؟؟
هو ليه اصلا اتصوروا كده من اساسه
مش ده الهيظهر الحب اللي بينهم وحتى لو ده بيحصل اظن ان بيبقي في حب بينهم .. مش لازم اعمل صورة ع موقع تواصل اجتماعى او اتصور مع حد او بشكل معين عشان نظهر قد ايه بنحب بعض انا رافض الفكرة تماما الحب يستحق الاحترام اكتر من كده مش مجرد عرض وصورة ونبقا كده بنحب بعض ده راى بصراحة :) |
رد: تفتكروا دة حب ولا اهانة ؟؟؟؟
طبعاً ده مش حب دى اهانة واهانة كبيرة كمان مهما كان الحب حاجة كبيرة اوى وله كرامة للأسف اللى حصل ده يدل على شىء واحد فقط فى رأيى الشخصى(أن هؤلاء الناس من قاع المجتمع) والحاجات دى مكانها البيت من غير ما حد يعرف خالص وحتى فى البيت لو هو راق مش هيسمح لزوجته انها تغسل رجليه شكراً يا رينا على الموضوع |
رد: تفتكروا دة حب ولا اهانة ؟؟؟؟
اولا لو بمزاجها بحب منها يبقى مش اهانه ليها ولا لكرامتها لان الحب يصنع المستحيل ثانيا لو غصب عنها مش بحب من قلبها يبقى اهانه |
رد: تفتكروا دة حب ولا اهانة ؟؟؟؟
مش عارفة انا اول ما شوفت الصور قدامى
شوفتها من ناحية تانية خالص غير ما لقيت الناس عمالة تشتم فيها مش عارفة صح ولا غلط شوفتها اننا مش لازم ندينها مادام تصرف مش يأذينى انا شخصيا يبقى انا ماليش حق ادينها واقولها دة غلط ودة صح هى ماقلعتش هدومها دى غسلت رجل زوجها وقدمت اتضاع ومحبة وعدم كبرياء دى حياتها الشخصية هى و زوجها هما احرار مع بعض قدام الناس او فى بيتهم يتصرفوا زى ما هما شايفين مادام ماعملتش حاجة لا تليق ببنت المسيح هى شايفة انها بتقدم محبة كبيرة واتضاع ودة فعلا زى ماعلمنا المسيح الا بقى نكون بنعتبر اللى عمله المسيح لما غسل ارجل التلاميذ اهانة لان المسيح لما عمل كدة علمنا الاتضاع وعلم الكهنة يغسلوا ارجل الشعب يعنى لو قولنا اهانة يعنى بنهين المسيح ايضا كل واحد بطريقه تفكيرة بقى يعنى شايفة انها بسيطة وعملت كدة من بساطتها ومحبتها و ربنا اللى عارف بالنيات مش احنا يعنى ماقدرش احكم عليها طيب السؤال هما ليه عملوا كدة قدام الناس والناس زعلت وقالت انها اهانة للمرأة مافيش اهانة بين الزوج وزوجته لانهم جسد واحد وهى ممكن تكون بتوصل رساله محبة واتضاع واحترام ليه ناخد الوحش ونسيب الحلو |
رد: تفتكروا دة حب ولا اهانة ؟؟؟؟
بصى يا رينا هى من حقها تعبر عن حبها دا يعنى لو لحقت تروح
معاه مطلقوش يعنى هههههههههههههههههههههه بس مش فى يوم زى دا المفروض يوم فرحها بتبقى هى الملكة مش الشغالة اللى جايبها للملكة يا اختى ههههههههههه بس دا رأى بجد بعيد عن الهزار |
رد: تفتكروا دة حب ولا اهانة ؟؟؟؟
على فكرة الصورة دى فى البيت لما روحوا وده تواضع وحب من الزوجة يَنْبَغيْ أَنْ تَخضَعَ الزّوجَاتُ لأَِزوَاجِهِنَّ فِي كُلِّ شَيءٍ، كَمَا تَخضَعُ الكَنِيسَةُ لِلمَسِيحِ.. |
رد: تفتكروا دة حب ولا اهانة ؟؟؟؟
طبعا كل واحد ليه رأى مختلف فى اللى شايفها اهانه وفى اللى شايفها حب طبعا الكلام ده كله صح جدا
بس الفكره كلها فى اعلان ده مش اكتر من كده ميرسى لرأيكم جداااااااااااا كل واحد بيشوف طريقه للحب من وجهه نظره وانا هنزلكم دلوقتى الأراء اللى اتكتبت على الفيس |
رد: تفتكروا دة حب ولا اهانة ؟؟؟؟
كتبت احدي المعلقين تعليق كتبت فيه "متزعلوش منى بصراحة دى إهانة وإذلال،الست ممكن تغسل رجل زوجها برضاها بينها وبينه فى بيتهم لما تحس أنه جاى من الشغل مرهق لكن فى ليلة فرحها وقدام الكل"، وأكملت موجهة كلامها للعروسة" قابلى بقى ياعروسة المعاملة اللى بعد كده". وعبرت اخري عن رأيها "صدقينى مش بغسل الرجلين نهائى،سى السيد مراته كانت بتغسله رجله وكان بيخونها عادى، المحبة الحقيقة أفعال حقيقية ستظهر فى حياتكم وأفعالكم مع بعض بعدين، أنا عارفة أنه كان فى نيتك تعملى حاجة حلوة بس أسأتى أختيار الفكرة جدا والمنظر خارج المألوف تماما". فيما وجدت المتابعين أن ذلك يعتبر نوعا من أنواع التعبير عن الحب وكتبت "مسلمة أو مسيحية طاعة الزوج من طاعة ربنا هى حرة فى تعبيرها عن حبها لزوجها فى أى وقت وأى مكان وليس من حق أحد ان ينتقدها"، واستكملت "ربنا يباركلهم فى حياتهم وده مش ذل ولا حاجة ده نوع من أنواع الحب والرحمة ولو هو مايستهلش المعاملة دى وأكثر ماكنتش أتصرفت كده هو اللى وصلها للمرحلة دى من العطاء وحبها له". فيما وجد البعض أن العروسة قامت بذلك متمثلة بالسيد المسيح حيث قام بغسل أرجل التلاميذ للتعبير عن الحب والتواضع. فكتب المصور الذى قام بتصوير الصور وهو المصور "جورج أديب" " مارينا قدمت أجمل رمز للحب والبذل ركعت على الأرض مثل سيدها وهى بكامل زينتها وبهائها لتغسل أرجل عريسها، أول مرة أصور عروسة بتقدم المعنى ده من الحب، وواثق أن رومانى بيبادلك نفس القوة فى المحبة ربنا يسعدكم ويبارك فى بيتكم". واختلفت احداهما مع رأى المصور الذى وجد مافعلته العروسة مشابها لما فعله السيد المسيح بغسل أرجل التلاميذ وكتبت معلقة على الصور "اللي عايزة أقولهولك عايزين فعلا أنتوا الاتنين تطبقوا ما فعله المسيح مع تلاميذه لما غسل رجليهم، طب كويس المفروض بقي اللي يقوم بفعل المسيح هو الراجل، يعنی زی ما المسيح غسل أرجل تلاميذه،فالمفروض العريس يغسل رجلين عروسته،لأن من المعروف طقسيا وكنسيا إن لما يحبوا يشبهوا علاقه الزوج بزوجته فى المحبة والتضحية بيشبها بالمسيح والكنيسة اللى فيها المسيح ضحی بنفسه عشانها صح ولا لا". |
رد: تفتكروا دة حب ولا اهانة ؟؟؟؟
كل واحد بيشوف حسب نظرته للأمور انا فى نظرى هى عملت كدة ببساطة وبحب ميرسى على الموضوع الجميل يارينا |
رد: تفتكروا دة حب ولا اهانة ؟؟؟؟
دا حب مش اهانة
|
رد: تفتكروا دة حب ولا اهانة ؟؟؟؟
ميرسى على رأيكم الغالى
:):):):) |
رد: تفتكروا دة حب ولا اهانة ؟؟؟؟
دة كان لقاء معاها على اليوم السابع والصور دى فى البيت مش فى الفرح عروسة جسر السويس : أنا مش "أمينة"وغسلت رجل عريسى حباً فيه http://img.youm7.com/large/201608161245424542.jpg أنا مش أمينة وعملت كده علشان بحبه، ورومانى هوعمرى اللى بدأ من 16 سنة".. بهذه الكلمات كشفت مارينا عروس جسر السويس التى أثارت صورها الجدل على صفحات التواصل الاجتماعى، عن سبب هذه الصور وقناعتها بما تفعله. قالت مارينا رضا التى تبلغ من العمر 26 عاما خريجة كلة تربية نوعية قسم فنى:"أنا عملت كده علشان رومانى حبيبى ، وهافضل أعمل كده لأخر يوم فى عمرى ، أنا زى اى بنت حبت من قلبها وبعد مشوار من العذاب والتعب والبعد والقرب ارتبطت باللى بتحبه وبتحلم بيه".. وأضافت "لحظة ماعرفت رومانى قلبى قالى هو ده اللى بتحلمى به ، وقلبى دق وفرحت اوى وعلاقتنا كانت مجرد صداقة فى الاول وبعد كده اتولد اجمل قصه حب، ليه بقى الناس بتنتقد الحب" . ووجهت مارينا رساله لكل منتقديها على صفحات التواصل الاجتماعى :"ده حب مش المقصود به شو اعلامى أو تقليل من دور المرأة المصرية ، أمينة مرات سي السيد فى الفيلم، زمان كانت بتعمل كده حب مش ضعف ولا قهر ، افهموا يعنى إيه حب" . أما العريس رومانى جميل بدأ حديثه "أنا كراجل مش مكسوف أنى أغسل لزوجتى رجليها ،بعد تعب يوم طويل فى العمل، الحب الحقيقي عمره ما يقلل من صاحبه أبداً ، ومارينا تستاهل كل خير أنا بحبها وبادعيلها ربنا يخليها ليا" . |
رد: تفتكروا دة حب ولا اهانة ؟؟؟؟
لو هو حب ايه لازمة الصور والشو اللى اتعمل
الحب مواقف افعال مش صور وليلة الفرح كمان هى شبهة نفسها بالمسيح ييقى كان لازم هو كمان يغسل رجلها عجببنى تعليق مارى:d |
رد: تفتكروا دة حب ولا اهانة ؟؟؟؟
عقبال متغسل رأسه بعد الجواز ويغسلها شعرها
بس يغسلو يصابون ديتول هههه مبروك ليهم سواء صح او غلط بس اعتقد انها عاده عند بعض المصريين ،،، ، ، |
رد: تفتكروا دة حب ولا اهانة ؟؟؟؟
ميرسى على رأيكم الغالى
وكل وجهات النظر صح طبعا بس بتفضل الفكره فى اعلان ده قدام الناس طبعا هو ممكن يكون حب بس فى سؤال لو هو اللى اتطلب منه انه يغسل رجليها قدام الناس كان هيعمل كده ؟؟؟؟؟؟؟؟؟؟؟؟؟؟؟؟؟؟؟؟؟؟؟ |
رد: تفتكروا دة حب ولا اهانة ؟؟؟؟
شكلى كدا جيت متاخر
|
رد: تفتكروا دة حب ولا اهانة ؟؟؟؟
لا ياحبيبتى ابداااااااااااااااااا
ياريت نعرف رأيك ؟؟؟؟؟؟؟؟ |
رد: تفتكروا دة حب ولا اهانة ؟؟؟؟
انا الصراحة من وجهة نظرى هى قدتكون كرامه ازاى يعنى اقولك انا
كرامة لانها ممكن تكون هى بتحبه جدا فعملت كدا من تلقاء نفسها دون ان تحسبها انها قدام الناس او الكلام دا علشان اللى بيحب حد من كل قلبه عمره ما بيفكر فى كلام الناس فنفكر ونرجع لساكبة الطيب على قدمى يسوع لما الناس والتلاميذ اتكلموا ازاى عملت كدا ودفعت تمن غالى علشان تسكبه كان من الممكن انها تعطيه للفقراء واللى اتهمها انها محبة الظهور برضو علشان تظهر وكدا بل بالعكس قلبها كان ابيض وانقى من انها تفكر فى كدا فهى علشان بتحب ربنا عملت كدا وقاله يسوع له كل المجد فلماذ تزعجونها فانها فعلت بى عمل حسنا فلماذا نزعج صاحبة هذا الصورة فهى صاحبة الصورة دى ممكن تكون عملت كدا تعبيرا عن حبها فكل واحد منا بيعبر عن طريقة حبه من وجهة نظره بس احنا فى البعض بيعتبرها اهانة لانه بيحط نفسه مكانها وانه مش ممكن يعمل كدا لانه بيعتبرها اهانة ليه انما هى غيرنا هى بتنظرلها بمنظور المحبة وبعدين انا قريت على الفيس ان بعض الاساقفة راحوا دير فى الحبشة وصمموا رهبان الدير انهم يغسلوا ارجل الاساقفةويغسلوا ارجل اى شخص من يزورهم بس هذا الدير لايذهبون اليه غير الرجال فقط رغم كلام كثير ورفض الاساقفة لذلك لكن اجابوا عليهم بقولهم انهم يريدون ان ياخذوا بركة من غسل ارجلهم فلا تمنعونا من فعل هذا لا وايه كمان يارينا لازم يلبسه الشخص اللى يزورهم الشراب ويقبلوا رجله لانهم بيحسوا انى دى بركة كبيرة هما بياخدوها وبيتمثلوا بالمسيح فاللى بيحب بيحب من كل قلبه وبيعبر بطريقته الخاصة عن حبة حتى لو كان من وجهة نظرنا انه اهانة ليه بس هو شايفها بركة كبيرة ليه |
رد: تفتكروا دة حب ولا اهانة ؟؟؟؟
انا الصراحة من وجهة نظرى هى قدتكون كرامه ازاى يعنى اقولك انا
كرامة لانها ممكن تكون هى بتحبه جدا فعملت كدا من تلقاء نفسها دون ان تحسبها انها قدام الناس او الكلام دا علشان اللى بيحب حد من كل قلبه عمره ما بيفكر فى كلام الناس فنفكر ونرجع لساكبة الطيب على قدمى يسوع لما الناس والتلاميذ اتكلموا ازاى عملت كدا ودفعت تمن غالى علشان تسكبه كان من الممكن انها تعطيه للفقراء واللى اتهمها انها محبة الظهور برضو علشان تظهر وكدا بل بالعكس قلبها كان ابيض وانقى من انها تفكر فى كدا فهى علشان بتحب ربنا عملت كدا وقاله يسوع له كل المجد فلماذ تزعجونها فانها فعلت بى عمل حسنا فلماذا نزعج صاحبة هذا الصورة فهى صاحبة الصورة دى ممكن تكون عملت كدا تعبيرا عن حبها فكل واحد منا بيعبر عن طريقة حبه من وجهة نظرى بس احنا فى البعض بيعتبرها اهانة لانه بيحط نفسه مكانها وانه مش ممكن يعمل كدا لانه بيعتبرها اهانة ليه انما هى غيرنا هى بتنظرلها بمنظور المحبة وبعدين انا قريت على الفيس ان بعض الاساقفة راحوا دير فى الحبشة وصمموا رهبان الدير انهم يغسلوا ارجل الاساقفةويغسلوا ارجل اى شخص من يزورهم بس هذا الدير لايذهبون اليه غير الرجال فقط رغم كلام كثير ورفض الاساقفة لذلك لكن اجابوا عليهم بقولهم انهم يريدون ان ياخذوا بركة من غسل ارجلهم فلا تمنعونا من فعل هذا لا وايه كمان يارينا لازم يلبسه الشخص اللى يزورهم الشراب ويقبلوا رجله لانهم بيحسوا انى دى بركة كبيرة هما بياخدوها وبيتمثلوا بالمسيح فاللى بيحب بيحب من كل قلبه وبيعبر بطريقته الخاصة عن حبة حتى لو كان من وجهة نظرنا انه اهانة ليه بس هو شايفها بركة كبيرة ليه |
رد: تفتكروا دة حب ولا اهانة ؟؟؟؟
سورى دخلت متاخر شويه
مهما الناس اتكلمت فى الموضوع ده انا من راي مدام فى وفاق بينهم يبقى دة شئ عادى اللى عملته ده هى حره فيه وبعدين ليه الناس انتقادتها هو بقى امر واجب على الكل ما هى حره للى عملته وبعدين هى ليها اسباب اللى خلتها عملت كده هى قالت عملت كده لانه يستحق فعلا ولانه تعب وجاهد كتييير جدا علشان يتجوزو فده اقل واجب تعمله علشانه فى اليوم ده اللى بسبب تعبه وجهده وصلو ليوم فرحهم وجهة نظرها تحترم بصراحه ربنا يسعدهم ويفرحهم ويفضلو متفقين كده على طول مش يوم الفرح بسسسسس:):) |
رد: تفتكروا دة حب ولا اهانة ؟؟؟؟
اقتباس:
|
رد: تفتكروا دة حب ولا اهانة ؟؟؟؟
ميرسى لمروركم الغالى ورأيكم
:):):) |
رد: تفتكروا دة حب ولا اهانة ؟؟؟؟
ملناش دعوة يا محى .. خلى كل واحد فى حالُه
|
| الساعة الآن 01:45 AM |
Powered by vBulletin® Copyright ©2000 - 2025