|
عايزة رايكم ضرورى
عايزة رايكم بخصوص واحدة صحابتى
هى اتعرفت على شاب من فيس وبقوا اصحاب بجد وزى اخوات واكتر وفى مواقف كتيرة بان انة طيب وجدع وانة انسان محترم جدا وسالت عنة قالوا علية انة محترم جدا ولكن هو طلب منها ان يقابلها فى كنيسة فرفضت وكان عايز رقم تليفونها فرفضت بردة ولكن هو اداها رقمة وقال لا قدر اللة انك ما دخلتيش نت تانى ابقى كلمينى وهى مش عارفة تعمل اية وهى محتارة دولوقتىو مش عارفة تعمل اية |
انا مش عارفة
بس يعنى لا انا شايفة انها ددتهوش رقمهاااااااا |
هقولى رايى فى الموضوع ده وهو ...
دلوقتى انتى بتقولى انهم زى الاخوات طيب هيستفاد ايه لما يقابلها والا العلاقة تطورت لاكتر من اخوات . طيب جميل جدا والعلاقة تطورت لاكتر من اخوات وبقى فى اعجاب .. طيب اعجاب من اى نوع اسلوب كلامها ولا ايه .. بس ياترى ده كافى ؟؟؟؟؟ طيب نفترض انه شاف صورتها بس برضه دا مش كافى . استحالة الصورة تعرفنى على الشخصية وطباعها . وحاجة تانية انتى بتقولى عايز رقم تليفونها طيب ليه ؟؟؟؟؟؟ علشان يكلمها وهو مش كافى الفيس . طيب نقول علشان يعرفها اكتر ؟ طيب ويعرفها اكتر من غير ما يشوفها فمن رايى التليفون مرفوض وبالنسبة للمقابلة بقى .. هو لو عايز يشوفها هيشوفها ولو عايز يعرف كنيستها ويشوفها حتى من بعيد هيقدر لكن موضوع يتقابلوا فى كنيسة .. مش شايفاه مناسب ,,, وكمان عايزة اقول اوعى تنخدعى فى مظاهر الطيبة او اى حاجة على النت مهما ظهر من صدق فى كلامه بس لازم تكونى حذره منه .... اتمنى اكون افدتك فى اى حاجة وربنا يحميكى من اى شر |
عايز يقابلها يعدي الاول علي اب اعترافها
ده رائي غير كده نووو |
صح على فكرة كنت هقول نفس كلام مايكل
وكمان مامتها لازم تكون عارفة بالموضوع علشان تكون فى السليم ومفيش مشكلة خالص انهم يقربوا لبعض والمقابلة تكون فى وجود اب اعترافها بس هلى تقوله كدة ولو نيته كويسة هيوافق ولو عرفت تعرف انه شخص مش كويس مع احترامى |
انا من راى شيرى وشيرين ومايكل ونونا جدااااااااا اية الهدف من المقابلة فعلا لو عايز يشوفها هايقدر يشوفها من غير ماتعرف لكن اية سبب المقابلة مادام هما بيتكلموا على الفيس كتير اوى من الشباب بيكون تفكيرهم فى البنت انها لو وافقت تقابلة واو وافقت تديلة رقم فونها انها سهلة جدا وانها بتعمل كدة مع كل واحد بتتكلم معاة على النت وهو مش خسران حاجة اهو يتفسح ويتبسطلة يومين وبس لو فعلا بيفكر انة يقابلها علشان يتقدم ليها يكون صريح من البداية ويقول انا عايز رقم باباكى او اجى اقابل بابا كدة علطووووووول بما انهم بقالهم فترة بيتكلموا مع بعض وعرفوا بعض لكن اى تصرف غير كدة من الولد بيبقى فى مخة حاجات تانية هى ممكن تنخدع فيها وماتحسهاش |
مش شرط خطوبة وارتباط يا سمسمة
ممكن يكونوا اخوات وعايزها تكون اخت ليه بس بردوا هى تعمل كدة وربنا يبعد عنها عدو الخير |
لو عايزها اخت لية يا نونا هايبقى خايف عليها من كلام الناس لما يشوفوة بيكلمها فى كنيستها يعنى واحد غريب بيتكلم معاها وطبعا مش هاينفع يتكلموا كتير فى الكنيسة ويقوللها تعالى نخرج نقعد فى اى مطعم او كافية لو ممكن يطلع معاها ومع اهلها فى رحلة عادية فى الكنيسة يبقى حلو لو هو بيفكر فى انها زى اختة |
ميرسى على مروركم جميل
|
صح جدا فكرتك دى يا سمسمة
|
موضوع رائع ومتميز الرب يباركك
|
انا مع اراء كل اخوتي وكمان اقول ان اقصر الطرق هو الطريق المستقيم كلمها وعرفها علي النت لوعايز يقعد معاها يبقي عن طريق اب اعترافها وافق علي كده يبقي انسان سليم وممكن يكمل بعد كده.. ازي اتفقوا ويدخل البيت من بابه اذا رفض يقابل اب اعترافها يبقي عرفت انه عاوز يتسلي بيها وانا عارف ان كرامتها لاتسمح بذلك الرب يحفظ اولاده من تجارب ابليس |
رد: عايزة رايكم ضرورى
ايه الشغل ده
البنت المحترمه متكلمش حد خالص وبلاش شماعة الصداقه بين الولد والبنت دى واصلا المفروض البنت ميكنش عندها فيس من اساسه ايه ده !!!!!!! وسورى ع ردى |
رد: عايزة رايكم ضرورى
لو عارفها بقالو فتره وبعدها بتقابل بغرض محترم علشان زواج مفيش مانع بكون فيه قبول من الطرفين علشان محدش يصدم التاني
أما يقابلها يكون صديق محترم ترجع بقى للطرفين اذا قبلو الصداقه لاكن مش ليهافايده وزي ما قالت الأستاذة لازم تخلي بالها من نفسها لاكن في الدنيا ناس كويسه بردو مش كلهم سيءييين بس الحرص واجب ،، بس تفسيري للموضوع انو قال أنكم اخوات علشان الأول يشوفك قبل ميوعدك بحب وزواج ويتدبس، لاكن عايز يشوفك لو عجبتنيه في الطبيعه يمكن يتقدملك،،ولو مش هتعجبيه خلاص يمشي |
| الساعة الآن 06:21 AM |
Powered by vBulletin® Copyright ©2000 - 2026