|
رد: وجبـــــــة روحيـــــ(†)ــــــــــة يوميـــــــــة
طفل يرى الله .. سعاد ست ارمله عايشه فى بيت مبنى من الطين فى الصعيد ، معاها ابنها يوسف ظ¦ سنين .. سعاد معاها ظ¥ فدادين ارض زراعى ورثاهم عن جوزها ، مأجراهم بالسنه وبتشتغل مدرسه ابتدائى وعايشه هى وابنها فى البيت .. المهم فى يوم يوسف رجع من المدرسه تعبان جدا وعنده صداع مزمن وعينيه مزغلله .. خدت ابنها وراحت المحافظه كشفتله الدكتور قالها الدكتور نعمل التحاليل والاشعه ونشوف .. بعدها باسبوع راحتله بالاشعه وقالها هو ابوه اتوفى ازاى ؟ قالتله ابوه كان عنده مرض على المخ خلاه يفقد بصره وبعدها اتوفى بسبب حادثه .. قالها غالبا ابنك ورث منه نفس المرض وده للاسف مالوش علاج .. رجعت سعاد مصدومه وطول الطريق بتبكى وتكلم ربنا ، "يارب اتدخل دانا ماليش غيره قادر بلمسه منك تشفيه ، تقدر يارب تنقذه " بالليل يوسف قاله لامه يا ماما هو انا كدا مش هاشوف تانى ؟؟ قالتله نور ربنا هاينور حياتك دايما بس افضل انت دايما مع ربنا وكلمه على طول فى صلاتك وهو هايجيلك انهارده وانت نايم وهايشفيك .. الولد اخد الكلمتين ونام .. اول يوم قالها ماما ربنا ماجنيش وانام نايم .. قالتله ماتقلقش هايجيلك انهارده .. تانى يوم ، ياماما ربنا ماجنيش وانا نايم .. وفضل على الحال ده شهر وكل يوم امه تقوله هايجيلك .. الولد عنده ثقه عجيبه فى كلام امه ان ربنا هايزوره وهو نايم ويشفيه .. فى يوم ظ£ظ، يناير الساعه ظ©:ظ£ظ* بالليل سعاد شافت ابنا واقف بيصلى وبيقول يارب عسان خاطرى الصداع صعب قوى وانا مش قادر اتحمله ، عينى مزغلله نفسى ارجع اشوف كويس ، انا هاستناك تيجى وتشفينى انهارده زى ما ماما قالتلى وختم كلامه مع ربنا وقاله بحبك â¤ï¸ڈ عدت الايام وقرب ميعاد الإعاده عند الدكتور بس سعاد لاحظت حاجه غريبه ، يوسف بطل يشكى من الصداع وانه بقى يشوف كويس .. الدكتور سال يوسف قاله انت حاسس بحاجه .. الولد رد بكل براءه وتلقائيه وثقه عظيمه " ما ربنا طبطب عليا وانا نايم والصداع راح خلاص " طبعا فرحه وزغرايط من الام وحاجه ماتتوصفش .. يا سلام لو عندنا قلب زى الاطفال فى براءئتهم وثقتهم العظيمه .. |
رد: وجبـــــــة روحيـــــ(†)ــــــــــة يوميـــــــــة
طفل يرى الله ..يوم 20 مايو اصعب يوم فى حياتى ... انا شريف عمرى 53 سنه سويت معاشى مخصوص عشان اخد المكافأه مع الفلوس اللى محوشها والفلوس اللى استلفتها وأشترى حتة أرض معروضه عليا للبيع وبصراحه كانت فرصه لو ضاعت منى مش هاتتعوض .. لكن للأسف مافيش حاجه بتمشى زى ماحنا عاوزين ... مبلغ المكافأه مع الفلوس اللى معايا كان بالظبط هو تمن الأرض ، جات مراتى يوم 15 مايو ، وده اليوم اللى قبضت فيه المكافأه قالتلى ... - انت مش هاتدفع العشور ؟ قولتلها منا لو دفعت العشور مش هاعرف اجيب الأرض ومافيش حد هايرضى يسلفنى تانى ، يلا ربنا يسامحنا بقى .. جيت فى اليوم المشئوم اللى رايح اشترى فيه الأرض ،كانت الساعه 2 بعد الضهر وانا فى طريقى ، قامت خناقه شديده عند منطقة رمسيس، سدت الشارع ماحدش عرف يعدى ، عربيات تتكسر وملتوف وحجاره ، وناس بتقع كل شويه من الضرب ودمها سايح ، قام ساعتها شاب قلع التيشرت وغطا به وشه ، وشال انبوبه ، انا ساعتها كنت فاكره انه هايرميها على حد ، لكنه حطها فى نص الشارع وفتحها وجرى ، فى ثوانى بالظبط ، لاقيت الناس كلها بتجرى ، وانا بحكم سنى مش عارف أجرى وسط الزحمه دى كلها ومعايا الفلوس ، ماكنتش خايف على نفسى قد ماخايف على الفلوس ... من شدة جرى الناس ودفعهم لبعض ، وقعت فى الأرض وانا حاضن الفلوس بقوه شديده ، لغايه ما فجأه لاقيت الناس اتكاترت فوق منى وهم بيجروا ، فضلت ازعق ، ياناس هاموت ، حد يلحقنى ، واللى يدوس على وشى ، وكتفى ، وبطنى ، ماحدش سامعنى خالص ، فضلت اصرخ من الوجع وضيق النفس لغاية مافقدت الوعى تماماً ... مافوقتش غير وانا مركون على جنب فى الشارع وغرقان مايه والدم نازل من على وشى والناس بتفوّق فيا ... دورت على شنطة الفلوس مالقتش منها غير الحزام بتاعها مقطوع وماسكه فى إيدى ... ساعتها حسيت بالصدمه اللى بجد ، شقى عمرى وتعبى وحلمى راحو منى فى لحظه روحى صغرت جدا وحسيت انى بموت بالبطئ .. جسمى سايب اعصابى مشلوله ، عيونى ثابته مابتتحركش ، صراع شديد جوا عقلى مابين إستيعاب الكارثه والحزن على كل لحظه أمل ماتت منى ، الناس بتكلمنى مش حاسس بيهم ولا سامعهم ، قاعد مابنطقش بولا كلمه ... فضلت على الحاله دى لغاية ماجت الإسعاف ، وعملت فى المستشفى محضر بالفلوس المسروقه منّى ... دخلت فى حاله نفسيه شديده وإمتنعت عن الأكل تماماً لمدة يومين وكنت عايش بمحاليل الجلوكوز .. وفى يوم 25 مايو ، الساعه 11 الصبح ، اتصل بيا ظابط قسم الشرطه ، وقالى تعالى على المستشفى فوراً ... اول ماروحت هناك لاقيت شاب تقريبا سنه 35 سنه ، رفيع ، ووشه فيه علامات مطاوى كتيره ، عامل حادثه ورجله وايده مكسورين ، وكان بيبصلى جامد كأنه يعرفنى ... الظابط وقف وقالى .. - هو ده اللى سرقك ؟ قولتله للأسف معرفش لانى كنت فاقد الوعى ، وثانياً لو معاه الفلوس يبقى هو اللى سرقنى ... رد الظابط وقال ... - الشخص ده مسجل خطر ، وكاميرات الشارع رصدت وجوده فى الخناقه اللى حصلت ساعة تواجدك فى الشارع ، لكن للأسف وسط الخناقه والزحمه ماقدرناش نوصل مين اللى سرقك .. لكن الشخص ده ليلة يوم سرقتك عمل حادثه بموتسكل صينى فى شارع جانبى لشارع الخناقه ، وكان معاه شنطه، بسؤاله عليها قال شنطتى .. لكن لحسن حظك انى كنت واقف ساعة الحادثه ولما شوفت الشنطه والفلوس اللى فيها وقارنتها بمواصفات شنطتك ، وشوفت الحزام بتاعها مقطوع ، تأكدت انها شنطتك .. كشفت على بطاقة الشاب ده لاقيته مسجل خطر .. إتنقل للمستشفى من ساعتها وهو فى غيبوبه تامه ، وإنهرده فاق .. مبروك �� بصراحه انا كنت واقف وكل كلمه كنت بسمعها وكأنها رصاصة امل للحياه كانت بتضرب فى قلبى تحينى من جديد .. ابتسمت جدا وقولتله .. - انا مش عارف اشكر حضرتك ازاى ؟ قالى .. - لا ماتشكرنيش انا ، اشكر الشخص الامين اللى بلغ عن الحادث واحتفظ بالشنطه وسلمهالنا من غير ما تنقص جنيه ، وإعمل حسابك فى مكافأه 10% له عشان آمانته .. قولتله طبعا ده لو عاوز عمرى ادهوله .. حمدت ربنا ان الفلوس رجعت ، حتى لو نقص عشرها مش مشكله المهم انها رجعت أحسن من مفيش ، لكن جوايا زعل شديد انى مش هاقدر اشترى الأرض خصوص ان الفلوس نقصت بعد ما سلمت عشرها ماكفأه ، واصلا سعرها زاد خلال اليومين اللى عدو دول .. عدت الأيام وبالعافيه قادر أتعايش لغاية ما جه يوم 30 مايو اللى كان بمثابة قلبه لكل موازين حياتى ، وفيه فهمت حاجات كتير كانت غايبه عنى .. اليوم ده الساعه 12.35 الضهر ، لاقيت مراتى داخله عليا ووشها قالب ألوان بالجرنان وبتقولى ... - إلحق مش ده عنوان حتة الأرض اللى كنت عاوز تشتريها ؟ - اه مالها ؟ - صاحبها طلع نصّاب وباعها لعشرين واحد وهرب بالفلوس على بره ... مشاعر كتير حسيت بيها ، لكن اكتر شعور كان واخد حقه اكتر ، هو شعور الأسف .. لأنى بخلت على ربنا فى دفع العشور .. لو كنت دفعت العشور ،ورضيت بحكم ربنا وإرادته فى شرائى للأرض ، ماكنش حصل ليا ده كله ... لكن بردو ربنا مارضاش ليا بالخساره .. شكرا يارب . "آية (ملا 3: 10): هَاتُوا جَمِيعَ الْعُشُورِ إِلَى الْخَزْنَةِ لِيَكُونَ فِي بَيْتِي طَعَامٌ، وَجَرِّبُونِي بِهذَا، قَالَ رَبُّ الْجُنُودِ، إِنْ كُنْتُ لاَ أَفْتَحُ لَكُمْ كُوَى السَّمَاوَاتِ، وَأَفِيضُ عَلَيْكُمْ بَرَكَةً حَتَّى لاَ تُوسَعَ. " |
رد: وجبـــــــة روحيـــــ(†)ــــــــــة يوميـــــــــة
يرضيك يارب كلمة الظالم تعلا على كلمتك سمير شاب عنده ظ£ظ¥ سنه ، بيشتغل فى دوله عربيه عامل بناء ، من حوالى شهرين تحديداً ظ¥ ديسمبر ظ¢ظ*ظ،ظ¨ إتخانق مع المقاول اللى معاه فى الشغل والراجل اللى إتخانق معاه هدده قدام الناس كلها بإنه يرحله على بلده حافى .. حكاية سفر سمير اصلا انه باع كل اللى وراه واللى قدامه عشان يسافر ، فا التهديد ده كان بالنسبه لسمير موت .. سبب الخناقه ان الراجل ده كان عاوز سمير يغش بطريقه ما فى مواد البناء والفلوس اللى هاتطلع يقسموها مع بعض ، وده اللى رفضه سمير تماماً .. الراجل فعلاً يقدر يرحله ويلبسه أى تهمه لأنه قديم جداً فى البلد وله معارف فى كل حته .. تانى يوم سمير راح الشغل فى ميعاده قالوله مالكش شغل واسمك مشطوب من كشوف العاملين ، فضل يسأل إزاى قالوله مانعرفش إسال المقاول .. راح للمقاول وفضل يترجاه بذل عشان يرجعه تانى الشغل .. راح المقاول قاله كلمه صعبه جدااا.. عارف لو بكيت بدل الدموع دم برضوا مش هاتنازل عن كلمتى وهارحّلك على بلدك .. مشى سمير من الشغل بعد ما إتسدت كل الابواب فى وشه وفضل يبكى زى العيل الصغير ، مش عارف يروح لمين ، ولا حتى يعمل ايه .. يخالف ضميره ويسرق عشان ياكل عيش ومايطردش من شغله ولا يخاف ربنا ويجوع .. فضل يمشى لغاية ماوقف قدام الكنيسه ودخل وهو منهار من عياطه ، دخل جوه وكتب فى ورقه صغيره .. يرضيك يارب كلمة الظالم تعلا على كلمتك ؟ حط الورقه فى جيبه ومشى عشان يستعد لحضور القداس تانى يوم .. الساعه ظ¥ الفجر راح الكنيسه لقاها فاضيه تماماً مافيهاش غير كاهن واحد بس اللى بيصلى القداس .. دخل سمير وحط الورقه بتعته على المذبح .. وصلى القداس وإتناول .. الساعه ظ§ وسمير لسه فى الكنيسه ماخرجش اتصل به واحد صاحبه قاله .. - انت فى ايه بينك وبين ربنا ، الكفيل الخليجى بعد ماعرف اللى حصلك اتصل بنفسه انهرده الصبح وأكد على المقاول قاله سمير لو مارجعش الشغل تانى أنا هارحلك بلدكم حافى .. طار سمير من الفرحه وشكر ربنا جدااا ، الغريب بقى وهو خارج من الكنيسه قابل كاهن كبير فى السن سأل سمير قاله - رايح فين انت مش هاتصلى القداس معانا ؟ - يابونا منا صليت القداس الاول الساعه ظ¥.. - يابنى مافيش قداس اول هو القداس الساعه ظ§ دلوقتى.. إستغرب جدا وقاله لا تعالى احكيلى ، قعد الأب الكاهن مع سمير عشام يفهم اللى حصل ، ولما عرف منه كل الحكايه .. إبتسم له وقاله .. بكروا إلىّ تجدوننى .. |
رد: وجبـــــــة روحيـــــ(†)ــــــــــة يوميـــــــــة
https://upload.chjoy.com/uploads/167942320912511.jpg احنا دايما بنجرى ونسيب ايد ربنا عشان نعمل اللى عاوزينه وربنا دايما بيمسك ايدينا ويرجعنا لكن بتيجى علينا فرصه وبنعند ونصمم على حاجه معينه ربنا رافضها لكن النهايه بتكون ضياع وحزن وضيقه وخوف وبردو ربنا بيتدخل فى الوقت المناسب وينقذنا .. امسك فى ايد ربنا اوعى تسيبه لحظه |
رد: وجبـــــــة روحيـــــ(†)ــــــــــة يوميـــــــــة
يرضيك يارب كلمة الظالم تعلا على كلمتك كان مفيش فى البيت غير ظ،ظ*ظ* جنيه بس وكنت شايلها للكهرباء لأنها متأخره ظ£ شهور لم يأتي المحصل وحايفه يجي فى وقت قولت أشيلها مع أنها مش هتكفى أصلأ كهربة ظ£ شهور .... وفى بوم حضر فجأه رجل طيب أعرفه فتحت ودخل وقدمت له عصير من الحر وسبته يرتاح وقالى معلش انا جايلك فى طلب قولتله اتفضل قول قالى مفيش معايا جنيه والبيت فاضى ورحت لأخواتى وناس اعرفهم أستلف منهم لغاية ما اقبض المعاش ولكن معرفتش وجتلك علشان اشترى أكل وعيش للبيت ولما أقبض المعاش هرجعهم... بدون تفكير قمت وأديته ال ظ،ظ*ظ* جنيه قالى مش هتكفى قولتله دى اخر فلوس معايا فى البيت وكنت شايلها للكهرباء المتأخره ومش عارفه هتيجي كام ربنا يستر ويتأخر لغاية اول الشهر خد الفلوس واعطيته زجاجة عصير مقفوله كبيره لأولاده وفرح ومشي ... وانا قاعده قولت ياريتني كنت اديته ظ¥ظ* ج وخليت ظ¥ظ* علشان اى ظروف تنفع لأول الشهر وبعدين قولت خلاص رزقه ربنا يدبرها لأول الشهر ... فجأه شىء قوى صوت داخلى جوايا بيقولى أقوم اجهز ورق النقابه مع انى مش ميعادها خالص ... المهم قمت اشوف الورق بعد ما الراجل مشى بحوالي ساعه دورت ولقيته بفتح الورق لقيت جواه ظ،ظ¥ظ* جنيه كنت نسياهم مع الورق. . فرحت جدأ بالفلوس اللى لقيتها وشكرت ربنا فعلأ مش بيبات مديون لحد .... يحصل ايه تانى بقى اتفاجأت جرس الباب بيرن لقيته محصل الكهرباء قولت استر يارب هاقوله هدفع فى الشركه اول الشهر أو لو هيعدى تانى ..... المهم لقيته بيقول انا جاى لتحصيل ظ£ شهور متأخره والفواتير جابه عاليه للعمارة كلها نتيجة التأخير لحدوث مشكله عندهم بالشركه .... وكأن معاه البواب بيلف على الشقق قولتله طيب انا عليه كام قالى ظ،ظ*ظ* جنيه قولتله أزاى ده دى كهربة شهر ولا قصدك ظ،ظ*ظ*ظ* جنيه قالى ظ،ظ*ظ* جنيه لل ظ£ شهور بقيت مش مصدقه دفعت ال ظ،ظ*ظ* جنيه من الفلوس اللى لقيتها وأخدت الايصال.. أتبقى ظ¥ظ* جنيه نزلت أشتريت طلبات بسيطه للبيت وعيش وانا فرحانه.... شكرت ربنا انه سترها معايا لغاية اول الشهر . بركة الرب تغني ولا ينقص معها شىء المعطي المسرور يحبه الرب .... لك كل الشكر يارب .... خير ربنا موجود على طول الحمدلله. |
رد: وجبـــــــة روحيـــــ(†)ــــــــــة يوميـــــــــة
يرضيك يارب كلمة الظالم تعلا على كلمتك عشرين جنيه تصنع المستحيل .... كنت راجع من اسماعليه ، عديت على الكارته ، اكتشفت ان مش معايا فلوس كاش خالص غير عشرين جنيه مقطوعه ، الراجل مارضاش ياخدها منى ، قولتله مش معايا غيرها قالى خلاص مش مشكله بس خد الست دى معاك وصلها لمستشفى العيون هاتقولك عنوانها وخد باللك هى نظرها ضعيف جدا .. قولت ماشى تعالى ، ركبت معايا وبدات تحكى بقى .. قولتلها انتى ازاى نظرك ضعيف ووصلت لغاية الكارته .. قالتلى انا عندى مايه زرقه على العينين ، وعندى ابن ظ،ظ* سنين وزوجى متوفى ، سيبته مع جارتى وقولت انزل القاهره اكشف ، ركبت ميكروباص وعطل عند الكارته ، كل واحد من الركاب اتصرف وركب وانا ولاد الحلال جابونى هنا .. قولتلها طيب هاترجعى ازاى ؟؟ قالتلى ماتقلقش اللى دبرها وبعتك ليا اكيد هايدبرها ويبعتلى حد يرجعنى .. قولتلها عندك حق الصراحه بس الحياه مش ساهله قوى كدا .. قالتلى بص الحياه ساهله قوى للى متكل على ربنا لكن اللى بيخاف من بكره دايما هو اللى عايش فى عذاب .. المهم وصلتها المستشفى وانا بنزلها لاقيت حاجه غريبه قوى .. لاقيت ممرض واقف وكأنه مستنيها ، استلمها منى وطلعت معاه .. انا الصراحه صعبت عليا قولت لازم استناها على الاقل اوصلها للموقف لما تخلص بدل ما تحتاس دى تعتبر مابتشوفش اصلا .. طلعت وراها لاقيت الممرض قعدها على كرسى ومشى .. انا جيت قعدت جنبها من بعيد سمعتها بتدعى بصوت واطى ، يارب سهلها من عندك يارب هونها يارب عدلها يارب افرجها ، ماليش غيرك اتكل عليه .. وفضلت تكرر الدعاوى دى طول ماهى قاعده .. لغايه ماجات ممرضه وخدتها ودخلتها لدكتور العيون .. بعد ماطلعت من الكشف ، الممرضه جابتها وقعدتها على الكرسى ، قمت جيت جنبها وقولتلها " ها خير ؟ ابتسمت وقالتلى انت لسه مامشتش ، قولتلها لا منا قولت استناكى وارجعك للموقف عشان ترجعى .. ضحكت وقالتلى طيب يلا.. نزلنا وبسالها بقولها شكله الدكتور طلعلك علاج هاتخفى عليه عشان طالعه فرحانه .. قالتلى لا دا قالى لازم عمليه ومافيش علاج هايعمل حاجه الحاله متاخره قوى .. والعمليه بمبلغ كبير قوى وفضلت تضحك .. قولتلها انتى فرحانه!! قالتلى اللى. دبرها فى كل ده اكيد هايدبر الباقى .. قولتلها اه يدبرها فى مواصله ، حد يسندك لكن فى مبلغ كبير ازاى ومنين ؟؟ قالتلى ربك يصنع العجايب ، ده شق البحر لموسى وشعبه ، مش هايشق الضلمه اللى فى عينى ويبعتلى نور !! كانت مؤمنه جدا وعندها ايمان عجيب .. وصلتها الموقف واصريت اخد رقمها عشان اسال عليها .. العجيب فى ده كله ، انهارده افتكرتها فا كلمتها اسال عليها .. قالتلى خبر حلو جدا .. عملت العمليه ومادفعتش غير حاجات بسيطه جدا .. اللى حصل ان الدكتور اتصل بيها فى نفس اليوم وحددلها ميعاد للعمليه بس فى مستشفى خيرى وقالها انا متنازل عن اجرى بس هاتدفعى مصاريف المستشفى ودى حاجه رمزيه .. وبتكلمنى وهى فرحانه قوى ، وقالتلى مش قولتلك ، ربنا قادر يشق العتمه بنوره .. ثق ان الله قادر . |
رد: وجبـــــــة روحيـــــ(†)ــــــــــة يوميـــــــــة
يرضيك يارب كلمة الظالم تعلا على كلمتك اسامه ضحى بنفسه .... بيقول كنت رايح الصيدليه اشترى دوا برد لاقيت ولد واقف على باب الصيدليه وفى ايديه روشته وبيطلب مساعده ، فا قولتله عاوز كام ؟ قالى مش عارف تمن العلاج كام قولتله هو لمين ؟؟ قالى لماما �� قولتله طيب تعالى معايا دخلنا الصيدليه لاقينا تمن العلاج ظ¢ظ£ظ*ظ* ، وانا مش معايا غير ظ¢ظ¤ظ*ظ* .. طيب هاقضى باقى الشهر ازاى !!! فا قولتله طيب استنانى بره .. بينى وبين نفسى مش هاقدر اساعده لانى مش معايا .. فا اشتريت علاج البرد بتاعى ومشيت .. لكن فى حاجه الولد واقف مستنينى .. فضلت ماشى وانا حاسس بالذنب طيب الواد اللى مستنينى، طيب بعد ما عشمته .. ارد على نفسى واقول طيب وانا اعمل ايه هو انا معايا وقولت لا ، ربنا يكرمه بقى هاعمل ايه !! دانا محتاج مصاريف كتيره .. المهم فضلت ماشى بالعربيه عمال الف وبفكر ومش عاوز اروح .. وقفت بالعربيه عند اشارة وسط البلد ، واقف وكأن ربنا سامعنى وباعتلى اشاره .. لاقيت طفل بيبيع مناديل واحده جابتله وجبه فراخ ياكلها ، قام منادى على كل العيال اللى معاه وفرشو على الرصيق وكلو كلهم مع ان الوجبه ربع فرخه بس الولد كان فرحان جدا وهم بياكلو معاه .. فى لحظتها لفيت ورجعت وكنت بتمنى ان الولد يكون لسه موجود .. بالفعل لاقيته واقف واول ما شافنى فرح جدا جدا ، قولتله معلش اتاخرت عليك كنت بجيب فلوس ، دخلت وجيبتله العلاج ووصلته لغاية البيت ، ومسكت الظ،ظ*ظ* جنيه اللى فاضله وقولت بضحك عشانا عليك يااارب .. الغريب بقى ان تانى يوم اتبعت ميل من الشركه انهم نزلو مكافأه الارباح السنويه والحمدلله ربنا كرمنا من وسع ���� |
رد: وجبـــــــة روحيـــــ(†)ــــــــــة يوميـــــــــة
هاتموت لو شيلتها هاتموت لو شيلتها .. عندى زرعة ياسمين فى البلكونه كانت جميله وشكلها حلو جداااا ، من حوالى اسبوعين لاقيت زرعه طلعت معاها فى نفس القصريه انا لاقيتها خضره وشكلها حلو قولت خلاص سيبها .. بس بعدها لاحظ ان الياسمينه بدات تضعف وورق منها يدبل وبطلت تطرح زى الاول ، لكن الزرعه الجديده كانت بتكبر بسرعه وورقها بينضج اسرع .. فا كان فى برنامج لاقيته تصور صورة النبات يعرفلك علاجه ايه فا صورته وللصدفه الصوره طلع فيها الزرعه الجديده دى .. اول ما البرنامج اتعرف عليها لاقيته بينور احمر عليها وقال شيلها فورا ده نبات ضار بيتغذى على النبات بتاعك .. جيت اشيله لاقيت رابط جذوره بجذور الياسمينه ، وعشان اطلعه واخلص منه للاسف لازم يطلع مع الياسمينه من جذورها .. حاجه صعبه جداااا الخلاصه اللى عاوز اقولها هنا .. خلى باللك من الناس اللى حواليك فى ناس بتتغذى عليك ، فى الشغل يسرق مجهودك وينسبه لنفسه ، يقلل منك ويتنمر عليك عشان يحس بقيمته ، يصدرلك طاقه سلبيه بشعه فى مكان معين ويكرهك فيه عشان يفوز هو به ، يعلمك عادات مش صح عشان هو ياكل عيش على قفاك ، يكرهك فى عيشتك عشان يخلاله هو المكان لوحده ، يكلم عليك فى ضهرك كلام وحش وفى وشك يمثل انه حبيبك ، يسرق افكارك لصالحه ، الشخص النرجسى اللى دايما بيجلدك .. عينات كتيره جدا من الناس دى فى حياتنا ، ماتقولش عادى وجوده مش خطر بالعكس وجوده اكبر خطر عليك لانه بيتغذى على طاقتك .. شيلهم بسرعه من حياتك عشان مايجيش الوقت وماتعرفش تشيله ... |
رد: وجبـــــــة روحيـــــ(†)ــــــــــة يوميـــــــــة
لاقيت كنز .. شاب كان معاه ظ¥ظ*ظ*ظ* جنيه واخدهم مكافأه من شغله ، وشالهم فى البيت وكان متفق هو ومراته ان الفلوس دى تتشال وقت الزنقه بس ، يعنى للشديد القوى.. هو مرتبه صغير .. عدت عليهم ايام صعبه شديده قوى هم الأتنين لدرجة ان فى ايام اخر الشهر والمرتب بتاعه بيخلص كانوا بيطبخوا مره واحده بس فى الأسبوع وأيام كانوا بيتعشوا عيش بشاى … وفى يوم جاله اخوه قاله انا محتاج فلوس ضرورى عشان داخل مشروع والفلوس اللى معايا مش مكمله والمشروع كله واقف على ظ¥ظ*ظ*ظ* جنيه .. صاحبنا سكت وقاله ربنا يبعت ويفك ضيقتك ومشى وسابه .. وهو ماشى محتار جداً مش عارف يساعد اخوه بالمبلغ الوحيد اللى حيلته وشايله للزمن وحارم نفسه من كل حاجه عشان يلقاه وقت زنقه ولا يقوله انه مش معاه .. قال لنفسه " انا هاشور مراتى " رجع البيت لقى مراته مش قاعده ، اتصل عليها لقى مرات اخوه بترد عليه .. قالها خير فى ايه ؟؟ ردت عليه مرات اخوه قالتله ماتقلقش مراتك كويسه هى عندنا فى البيت تعالى .. راح هناك عرف ان مراته كانت ماشيه فى الشارع مع مرات اخوه وقعت واغمى عليها .. ومرات اخوه شالتها ووديتها للدكتور وجابتلها العلاج واكل .. كل ده من غير ما تتصل عليه ولا تقوله الحق .. فى عز زنقتهم واحتياجهم لكل قرش ، لما شافت مراته تعبانه ساعدتها بكل محبه وزياده .. ساعتها صاحبنا اخد اعظم درس فى حياته ، ماينفعش اشوف حد فى ضيقه واتخلى عنه مهما كانت الظروف ، ده مش بس كدا .. لما عطا الظ¥ظ*ظ*ظ* لأخوه ، المشروع نجح واخوه اعتبر ان ده دين فى رقبته ليوم الدين وقرر انه يدخله معاه شريك ، وله نسبه فى الأرباح كمان، وقاله ده لولا المبلغ اللى ساعدتنى به ماكنش المشروع ده اتعمل .. اعظم حكايه شوفتها فى حياتى بجد |
رد: وجبـــــــة روحيـــــ(†)ــــــــــة يوميـــــــــة
ربك دايماً بينصر الضعيف موقف مستحيل انساه .. .. الحكايه بإختصار ان امبارح الساعه ظ¢:ظ¢ظ* بعد الضهر كنت عاوز اعدى المزلقان وكانت الدنيا زحمه جداً تكاتك وعربيات ده غير البياعين اللى سادين الطريق ومن شدة الزحمه والحر حرفياً كل واحد كانت روحه فى مناخيره.. المهم وانا واقف بحاول اعدى، لاقيت راجل كبير فى السن موقف الطريق وعمال ينبش فى الأرض وموقف الطريق انا ماكنتش فاهم هو بيعمل ايه ، لكن لما لاقيت شاب فى عربيه ملاكى شغال كلاكسات تيت تيت تيت تيت لما الكل خد لباله ، هو فى ايه ؟؟ قام نازل من العربيه وعمال يزعق جامد انت موقف الطريق يعنى ادوسك عشان ترتاح ماشايفش الدنيا فوق بعضها .. جاله الراجل وايديه كلها غرقانه دم .. قاله ياولدى فى إزاز كتير فى الارض بلمه عشان ما يعورش حد .. واحد من البياعين كان واقف جاله وباس فوق راس الراجل الكبير وقاله حقك عليا يابا احنا اسفين ليك ، وخبط جامد على عربية الشاب ده وقاله اتكل على الله .. ���� قبل ماتحكم على حد وتهاجمه اتعب نفسك واعرفه كويس شوفه كويس افهمه كويس ، الشاب ده لو فكر للحظه ينزل شوف الراجل الكبير ده ليه قاعد على ركبه على الارض ماكنش حصل كل ده احنا الاستعجال وهجومنا السريع بيخسرنا حاجات كتيره قوى |
| الساعة الآن 03:39 PM |
Powered by vBulletin® Copyright ©2000 - 2025