|
رد: اكبر مجموعة اكلات صيامى بالصور
سلطة الحمص المطحون https://upload.chjoy.com/uploads/1439909102521.jpg تنفع عشا خفيف مع بطاطس مقلية فى الفرن المقادير كوب حمص منقوع يوم كامل ومسلوق ومصفى ربع كوب طحينة توم مفروم ليمونة معصورة ملح وفلفل الطريقة هتضربى الحمص فى الكبة وتحطى عليه الطحينة وباقى المقادير وتضربيهم تانى وبس كدة عند التقديم ممكن تحطى على الوش زيت زيتون وبقدونس مفروم |
رد: اكبر مجموعة اكلات صيامى بالصور
قطايف صيامى https://upload.chjoy.com/uploads/1439909501691.jpg https://upload.chjoy.com/uploads/1439909501722.jpg https://upload.chjoy.com/uploads/1439909501743.jpg المقادير : 2 كوب دقيق معلقة كبيرة سكر ذرة ملح معلقة صغيرة بيكنج بودر ملعقة صغيرة خميرة ماية حسب الدقيق تخليها زى الطحينة كدة الطريقة : وتسبيها تخمرر ساعة تجيبى طاسة تيفال وتسخنيها اوى وتصبى وتهدى عليه وتسويها على جنب واحد لحد ماتلقى وشها اللى فوق نشف وتشيليها وتفرديها على اى حاجة تبرد |
رد: اكبر مجموعة اكلات صيامى بالصور
صوص الشيكولاتة الصيامى https://upload.chjoy.com/uploads/1439910045881.jpg https://upload.chjoy.com/uploads/1439909979341.jpg مقادير كوب شيكولاتة خام معلقتين زيت درة نص كوب سكر بودرة فانيليا الطريقة هنضع الشيكولاتة والزيت فى حلة صغيرة على حمام مائى ونقلبها لحد ماتسيح خالص ونحط عليها سكر وفانيليا ونقلب لحد ماتدوب مع بعض وهيبقى عندك احلى صوص |
رد: اكبر مجموعة اكلات صيامى بالصور
باستا فلورا صيامى https://upload.chjoy.com/uploads/1439910553641.jpg المقادير 2 ونص كوب دقيق نص كوب سمنة او زيت نص كوب سكر بودرة كيس كيك شيف فانيليا نص كوب عصير برتقال او ماية مربى اى نوع الطريقة هتضربى العصير بالسكر والفانيليا والسمنة فى الخلاط وتقلبى االبيكنج بودر على الدقيق وتحطى عليهم خليط فى الخلاط وتعجنيهم مع بعض وبعدين ادهنى الصينية وافردى فيها العجينة وخلى جزء منها للوش وحطى مربى اى نوع تحبية وتفردى باقى العجينة وتقطعيها شرايط وتحطيها على الوش ودخليها فرن سخن على 180 |
رد: اكبر مجموعة اكلات صيامى بالصور
شيش سمك صيامى https://upload.chjoy.com/uploads/1439911067511.jpg المقادير نص كيلو سمك فيليه فلفل اخضر بصل توم مفروم مستردة ملح وفلفل وكمون وكسبرة وبهارات سمك ليمون طماطم مكعبات الطريقة تغسلى السمك وتقطعيه مكعبات وتتبليه بالتوم والتوابل والليمون والمستردةوتنقعيه فى التتبيلة على الاقل ساعتين وممكن من بليل تحضرى الخلة تنقعيها فى ماية وتحطى فيها السمك ومعاه البصل والطمم والفلفل وياريت تتبلى الخضار بردو بنفس التتبيلة وتسويه فى الفرن زى الشيش طاوووك وممكن على الشواية وتقدميه مع سلطةالطحينة وبطاطس مشوية فى الفرن او مع الارز الاحمر |
رد: اكبر مجموعة اكلات صيامى بالصور
شوربة السى فود الصيامى https://upload.chjoy.com/uploads/1439911783951.jpg المقادير سبيط جمبرى مقشر بكلويز او جندوفلى سمك فيليه كابوريا مجمدة او فريش حسب اللى موجود بصل اخضر كرفس مكعب مرقة معلقة دقيق توم مفروم بالكمون وملح وفلفل جزرة مبشورة الطريقة بتقطعى السبيط والسمك الفيليه والكابوريا مكعبات وكل حاجة تبقى لوحدها وبتغسلى البكلويز وتنقعيه فى ماية شوية وبعدين بتبلى الجمبرى بالتوم والسمك والسبيط وبشوح البصل الاخضر فى معلقة زيت واحط عليه اول حاجة معلقة الدقيقوبعدين السبيط لانه بياخد وقت شوية واشوحه شوية وبعدين اضيف البكلويز هتلاقيه فتح كله وبعدين احط الجمبرى وشوح وبعد كدة السمك واحط عليهم الكرفس ومكعب المرقة واغطيهم شوية واحط ماية واسيبهم يستوا مش بياخدوا وقت خالص وفى الاخر احط الكابوريا لانها بتتهرى بسرعة وبس كدة بتبقى روعة |
رد: اكبر مجموعة اكلات صيامى بالصور
مسقعة عادية ودايت https://upload.chjoy.com/uploads/1439912080351.jpg الطريقة بتقطعى بطاطس مكعبات صغيرة وبدنجان حلقات وترشى عليه ملح وتسبيه على مصفا ينزل مايته وفلفل وكوسة حلقات بتسخنى الزيت وتقلى البطاطس وتطلعيها تصفيها على ورق مطبخ وبعد كدة اقلى الفلفل وبعدين البدنجان رشيه دقيق واقليه ورصيهم فى صينية وبعدين اعملى عصير طماطم وتكون تقيله مش عليها ماية كتير وعليها ملح وفلفلوتسبكيها وبعدين تعملى طاشة توم بكمون ووكسبرة ناشفة وحطى الطاشة على طماطم وبعدين حطيها فوقيهم ودخليها الفرن وشغلى عليها الشواية طريقة للدايت بتقطعى البطاطس مكعبات وبتغلى ماية فيها ملح وفلفل وكمون وفص توم مقسوم وتحطى فيها البطاطس تستوى وبعدين ترصيها فى صينية وتدهنيها بالفرشة زيت وتشغلى عليها الشواية بتبقى جميلة وبعدين البدنجان هتقطعيه وتملحيه وتسبيه على مصفه يصفى مايته ورشية دقيق واقليه وطلعيه على ورق مطبخ يشرب الزيت والفلفل قطعيه وسبيه من غير قلى او ممكن تشوية ا ورصيهم كلهم فى صينية واعملى نفس طريقة الطماطم وحطيها عليهم ودخليهم الفرن تحت الشواية وبالهنا منقول للافادة |
رد: اكبر مجموعة اكلات صيامى بالصور
كفتة البطاطس الصيامى https://upload.chjoy.com/uploads/143991257161.jpg المقادير بطاطس زى ماتحبى حوالى 3(وحدات كبار ) بقدونس وشبت وكسبرة بصلة مفرومة توم مفروم ملح وفلفل وكمون وكارى لو تحبى معلقتين دقيق بقسماط الطريقة تغسلى البطاطس وتسبيها بقشريها ومتقطعيهاش عشان ميدخلش فيها ماية كتير وتسيح معاكى فى التحمير ونسلقيها فى ماية وملح3\4 سوا وبعد كدة صفيها وقشريها واهرسيها وحطى عليها الخضرة والتوابل والدقيق ومعلقتين بقسماط وقلبيهم مع بعض كويس وصبعيها وحطيها فى دقيق (معلقة دقيق عليها كوب ماية ) وبعدين فى بقسماط ودخليها الثلاجة نص ساعة وفى طريقتين للتسوية ترصيها فى صينية وتدهنى وشها بالفرشة زيت ودخليها الفرن تحت الشواية تتحمر او اقليها فى زيت سخن جدا وطلعيها على ورق مطبخ |
رد: اكبر مجموعة اكلات صيامى بالصور
جمبرى بانيه محمر صيامى https://upload.chjoy.com/uploads/1439912752261.jpg المقادير جمبرى جامبو او اى حجم تحبيه توم مفروم بملح وكمون وفلفل وشطة ليمون بقسماط ودقيق الطريقة تتبلى الجمبرى بالتوم المتبل والليمون وتغطيه بالدقيق والبقسماط ودخليه الثلاجة نص ساعة واقليه فى زيت سخن |
رد: اكبر مجموعة اكلات صيامى بالصور
كفتة الجمبرى او السمك صيامى https://upload.chjoy.com/uploads/1439913292711.jpg في طريقتين الطريقة الاولى بالبطاطس \بتسلقى وحدة بطاطس وانا بفضل اهرسها بالشوكة مش احطها فى كبة وعليها بصلة مبشورة وفصين توم وخضرة شبت وبقدونس وكسبرة وتوابل ملح وفلفل وكمون وتقلبيهم مع بعض كويس وتجيبى حوالى نص كيلو جمبرى متقشر ومغسول ( او سمك فيلية بدون شوك ) وتفرميه فرمة واحدة بس متفرمهوش قوى او تدقيه فى الهون بتاع التوم وتقلبيه مع بطاطس وبس كدة صبعيها ودحرجيها فى دقيق ودخليها ثلاجة نص ساعة واقليها او ادهنيها زيت ودخليها تحت الشواية الطريقة التانية بالارز بتغسلى نص كوب رز او فنجان قهوة رز وتسبيه ينشف وتطحنيه وتحطيه على جمبرى وبنفس الطريقة الاولى بكل مقادير معادة البطاطس ومش هتحطى دقيق فى الاخر وبعد ماتقليه بتعمليله صلصة وتحطيه فيه |
| الساعة الآن 09:13 AM |
Powered by vBulletin® Copyright ©2000 - 2025