|
 |
 |
 |
|
رقم المشاركة : ( 1 )
14 - 10 - 2012, 03:07 PM
|
|||||||||||
|
|||||||||||
|
ما الذى يميز المسيح ؟
 طبعا العنوان غريب لانه يعنى ايه ما الذى يميز المسيح ؟ هو ده سؤال حد مسيحى يسأله ؟ المسيح بلا شك كله مميزات زى ما مكتوب عنه انه حلقه حلاوة وكله مشتهيات بس انا مش قصدى من السؤال ,انى الاقى اجابة انما سؤال استخدمته كمدخل لفكرة انا عايزة انقلها من فترة , يعنى من سنتين تلاتة تقريبا , كنت فى مؤتمر مسيحى , بيجمع الشباب المسيحى من مختلف دول العالم ( مؤتمر لايتبع اى طائفة معينة ) كان عددنا كبييييييييييير جدا شباب من كل مكان الهند , الصين , امريكا , انجلترا , مصر , لبنان , كل الارض فى اخر يوم من المؤتمر بصيت كده على القاعة واحنا بنصلى وفكرت ياترى ايه بيميز المسيح ؟ غير كل طبعا مميزاته المعروفة والغانية عن التعريف فكرت انه من مميزاته اللى مش موجوده فى حد غيره انه قدر يجمع كل الشعوب ديه بمختلف ثقافتهم ولغاتهم والوانهم وخلفيتهم العرقية وحتى طوائفهم قدر يجمعهم فى حب شخصه لدرجة اننا كنا نعقد اوقات نصلى مع بعض وكان فيه منهم ناس متعرفش تتكلم انجليزى تروح تصلى بالروسى مثلا او بالتشيكى او بأى لغة بتاعتهم ورغم اننا مش عارفين نتواصل باللغة الكلامية الا اننا عارفين نتواصل بلغة اقوى واعلى وهى لغة روحية اعلى واقوى من كل لغات العالم ممنعناش اختلافنا العرقى والطائفى واللغوى واللونى حتى اننا نتجمع فى هدف واحد وهو حب المسيح وطلب معرفته اكتر واكتر وفكرت حتى فى كُتاب الوحى المقدس نفسهم كانوا من كل فئات البشر فيهم الفيلسوف والصياد والملك والنبى والوزير والشاعر و الكاتب وجامع الجميز حتى سلسلة نسب المسيح نفسه جمعت فيها الامم زى راعوث وراحاب وافتكرت الاية العظيمة اللى بتقول : لأنه هو سلامنا، الذي جعل الاثنين واحدا، ونقض حائط السياج المتوسط 15 أي العداوة. مبطلا بجسده ناموس الوصايا في فرائض، لكي يخلق الاثنين في نفسه إنسانا واحدا جديدا، صانعا سلاما 16ويصالح الاثنين في جسد واحد مع الله بالصليب، قاتلا العداوة به 17فجاء وبشركم بسلام، أنتم البعيدين والقريبين المسيح فى الصليب قتل العداوة ونقض حائط السياج المتوسط بين اليهود والامم , اليهودى اللى عمره ولا فى الخيال ولا الاحلام كان ممكن يشارك اى اممى فى اى حاجة ولا يمكن حتى يدخل بيته او ياكل من اكله المسيح قتل العداوة اللى كانت بينهم علشان يخليهم الاتنين واحد فيه اذا كان المسيح قدر يخلى الاعداء اخوات وشركاء فى جسده , فمابالك باللى اصلا اخوات فيه ؟ هى ديه حلاوة المسيح قدر يجمع الكل تحت جناحه لانه هو قال انا ان ارتفعت اجذب الى الجميع وطريقة جذبه دايما بتكون بالحب والحب هو اللى يقدر يدوب كل الفوارق من لون وجنس وعرق ولغة وطائفة وخلفية 
|
 |
|
| قد تكون مهتم بالمواضيع التالية ايضاً |
| الموضوع |
| ما الذي يميز الثدييات |
| ما الذي يميز خليج هالونج ؟ |
| ما الذي يميز هذا النوع قطة الوشق |
| ما الذي يميز ديناصور تي ريكس ؟ |
| ما الذي يجب أن يميز الزواج المسيحي؟ |
العرض العادي
