منتدى الفرح المسيحى  


العودة  

إضافة رد
 
أدوات الموضوع انواع عرض الموضوع
  رقم المشاركة : ( 1 )  
قديم 09 - 10 - 2012, 10:19 PM
الصورة الرمزية روشا الفرفوشه
 
روشا الفرفوشه Female
..::| مشرفة |::..

 الأوسمة و جوائز
 بينات الاتصال بالعضو
 اخر مواضيع العضو
  روشا الفرفوشه غير متواجد حالياً  
الملف الشخصي
رقــم العضويـــة : 36
تـاريخ التسجيـل : May 2012
العــــــــمـــــــــر :
الـــــدولـــــــــــة : طفله كبيره
المشاركـــــــات : 26,618


أبادْلكُم حرّية .. بسجن.

أبادلكم سِلْم .. بحرب.

أبادلكم صوتى .. بصمت.

أبادلكم اسمى .. بصوت مجهول.

أبادلكم فدادين الطين

بالعتمة فى رطوبة الزنازين.

أبادلكم حاكم عادل بالفرعون الجبار.

الجنّة .. بالنار.

الراحة .. بتعب القلب.

أبادلكم أمن .. بخوف.

زُهرّية ورْد .. بكباية دم.

وحياة مرتاحة أبادلها بموت.

أبادلكم ضِحكاتى .. بغمّ

ورفيقى أبادله بمخبر كلب.

أبادلكم لو كنتوا تبادلونى

تاخدوا سنواتكم وتردُّولى السنوات.

صعب تردُّولى السنوات !!.

صعب تبادلونى برجوع العزة

ومعنى الوطنية والأوطان ..

للشعب.

ورجوع دمّ الشهداء.

والوجه الأصلى لكلمة أعداء.

ونضارة وجْه الفقراء.

وكرامة تساوى كرامة كلّ اللى اتسلبوا.

والنصر .. لكل اللى من غير حرب

اتغلبوا !!

بادْلونى .. وجوه بوجوه

ولغات بلغات.

خدوا كل اللى حيلتنا من ألوفات:

اللى اتنهبوا .. واللى لسه حيتنهبوا

وردوا للأمة رجولتها ونخوتها وقُدرتها.

ردُّوها من تابع مذلول

لزعيمة لاستقلال.

من قُطعان سايحة .. لرجال.

ردولها كل اللى سرقتوه من مال.

ادفعوا عنْها ديون الأطفال.

ردوا لها شمس المستقبل

واكنسوا أطنان العتمة من درب الأجيال.

أخلاق الشعب اللى انداس ..

واللى أصبح ناس مش ناس !!

ردوا للشعب رغيفُه المخطوف.

صوته الأصلى وعرقه المسفُوف.

وبالمجّانى .. رجعوا للطفل الكراس.

ابنوا على شط النيل المصنع جنب المصنع.

رُدوا للجندى المصرى وظيفة المدفع.

ردُّوا الإنسان العادى ياخُدْ قيمةْ ما يدفع.

والفلاح ردوه من ذُل الغربة

وردوله حُبه للفاس.

رُدوا الوطن المسروق

اللى اتمرغ فى مخالب السوق.

فكوا عنه الطوق.

شِلُّوا القدم الصهيونية الساكنة فى الدقى

وماشية فى باب اللوق.

ردُّوا الجمعية للفلاحين

والمصنع للعمال.

لو تقدروا تخرجوا مِ الأغلال

اللى كتفكم بيها اللى علمكم لعبة رأس المال ..

لو غيرتوا الحال ..

أُقسم قدام شعبى أغنى لكم من قلبى

وعمرى ما غنى تانى

لـ .. (جمال) !!

رد مع اقتباس
إضافة رد

أدوات الموضوع
انواع عرض الموضوع

الانتقال السريع

قد تكون مهتم بالمواضيع التالية ايضاً
الموضوع
زمن عبد الحليم عبد الرحمن الأبنودي
يا عنكبــــوتة عبد الرحمن الأبنودي
قصيدة خيط عبد الرحمن الأبنودي
قمر يافا عبد الرحمن الأبنودي
الإمــام عبد الرحمن الأبنودي


الساعة الآن 04:44 AM


Powered by vBulletin® Copyright ©2000 - 2024