الـ letting go ( الإستغناء )

[Rena Jesus]

الـ letting go ( الإستغناء ) ...

مصطلح متعارف عليه في العلاقات العاطفية ,
و هو لما شخص يكون مرتبط عاطفيا بحد لدرجة أنه مش قادر ميفكرش فيه حتي بعد أنتهاء العلاقة أو اعلان فشلها,
فيكون الحل الـ letting go بمعني ينسي بقي الموضوع ده و يشوف حياته ,,,
لكن نظريا الـ letting go مش محصور علي العلاقات و بس ..
أنما كل حاجة بتسيطر علي الأنسان و بتخليه مسلوب الإرادة ,
فممكن حلم إنسان أو طموح ما يبقي قيد او طوق يشلل كل تفكيره ..
ممكن قناعة معينة أو ذكري سيئة تكون سجن للأنسان نفسه يتحبس جواها ..
فاي حاجة بتخلي الأنسان عبد عاجز مش قادر يتحرر منها .. حلها الـ letting go ..

صعوبة تنفيذ الـ letting go بتثمل صعوبة استغناء المدمن عن المخدر - مع فارق نوع الإدمان - ,,
فلو خدنا مثلا قصة شخص كان حلمه يطلع رائد فضاء , بس للاسف مقوماته و ظروفه كلها كانت بتصب في استحالة تحقيق الحلم ..
لكن هو مازال متسمك بيه و رافض للواقع ,,
فيبقي كل تفكيره انه لازم يطلع رائد فضاء , ليل نهار مفيش حاجة في دماغه غير كده !
فمش قادر يلتفت لحياته و مستقبله و لدرجه انه وصل لحاله من الركود الفكري و بقي عاجز حتي عن تطوير نفسه او تحقيق إدخلات جديدة في الواقع ده ..
فيبقي حله الـ letting go ..

الأدمان هنا , أدمان نفسي .. فصاحبنا ده مدمن لشكله و هيئته كرائد فضاء ,
فكل ما يتخيل لحظة سعادته لو بقي رائد فضاء بيفرز مواد معينة في مخه بتحسن من مزاجه و تحسسه براحة مؤقتة ,,
و عشان كده مش عاوز يسيب الادمان ده او الحلم ده ..
فبرضة اللي بيحب بعيش نشوة السعادة الوهمية في أحلامه و تخيالاته ,
ففكرة أنك تقوله فوق من حلمك ده و تنازل عن وهمك بالـ letting go بتبقي صعبة جدا ..
فمشكلتنا مش اننا مش عارفين الحل , لكن مش قادرين علي تنفيذه !

الكاتب Edwin Louis Cole
بيقول :You don't drown by falling in the water; you drown by staying there ..
أنت مش بتغرق لما بتوقع في الماية أنما لما بتفضل فيها .!!

لو لاي سبب تعلقت بحلم مش مناسب , قناعة مش صح , شخص غلط , ديه مش نهاية العالم ,
عادي جدا بتصحح رؤيتك للأمور و بتكمل طريقك عادي ..

لكن , الكارثة أنك تكابر و تعاند في المش مناسب و الغلط لمجرد وهم انت بس مصمم تعيشه مش راضي تستغني عنه ..
أمل مزيف بتغش بيه نفسك وذاتك .. مستمتع بانفصالك عن الواقع و مستسلم لوضعك البائس ! ..
و مع كدة , في النهاية ده قرارك و ارداتك انت.. عشان محدش حيغرق في وهمك غير برضة انت ,,

كلمات كيرلس بهجت

[walaa farouk]

ميرسي على مشاركتك الجميلة

[Mary Naeem]

مشاركة جميلة جدا

ربنا يبارك حياتك

[Rena Jesus]

ميرسى لمروركم