|
 |
 |
 |
|
رقم المشاركة : ( 1 )
26 - 06 - 2014, 04:31 PM
|
|||||||||||
|
|||||||||||
|
عندك حموضة !! او بتحس بحرقان ف صدرك ؟ طب تعرف حد بيجيله حموضة وبتضايقه جدا طب تعالى معايا اقرأ الكلمتين دول "الحموضة " تعالى ناخد الموضوع واحدة واحدة عشان نفهم كويس ونعرف نتحكم ف الموضوع كله تفسير الحموضة اى الاول ؟؟ بص معايا عارف المرىء (esophagus) والمعدة (stomach) فيه بينهم فتحة عاملة زى الباب اسمها "lower esophageal sphincter) "Les) الفتحة دى بتفصل بين المرىء والمعدة والفتحة دى عبارة عن عضلة ع طول مقفولة بفعل مؤثرات عصبية ومبتفتحش خالص غير بس لما نيجى ناكل عشان الاكل يعدى ويدخل المعدة تمام نيجى بقى نشوف سبب الحموضة اى بقى : الحموضة ليها اسباب كتير بس السبب المشهور والى عند اغلب الناس هو "ان العصارة الهاضمة بتاعة المعدة _الحمضية_بترجع ع المرىء وعشان هى حامضية بتعمل التهاب وحرقان ف المرىء " وده بسبب ان الفتحة الى قولناها فوق الى هى ع طول مقفولة الا ف وقت الاكل بس ,,بتفتح وتخلى العصارة تطلع ف المرىء وتعملك الحموضة طب الفتحة دى بتفتح لى ؟؟ بص يا سيدى ممكن يكون السبب طبيعى زى بسبب الهرمونات وده بيحصل ف "الحوامل" وبيكون بسبب هرمون البروجسترون الى بيخلى الفتحة دى ترخى ومتبقاش مقفولة طب اى بقى الى مش طبيعى والى لازم نخلى بلنا منه ؟؟ واى العلاج ؟؟ وهقولك برده ع كام اشاعة كده خلوا بلكوا منها واوعوا تعملوها ! - انك يا سيدى متبقاش "طفِس" يعنى متكلش كتييييير عشان الاكل الكتير بيخلى المعدة مليانة ع الاخر وغصب عنها هتقوم عملالك حموضة . - وكمان اوعى تاكل وتنام وخصوصا اوعى تنام ع ضهرك بعد الاكل ع طول عشان كده انت بتمنع الجاذبية الارضية انها تساعدك ع ان الاكل ينزل تحت للمعدة !! - قلل من الشوكولاتة والكافيين (القهوة) وخصوصا لو قبل الاكل عشان الكافيين بيخلى الفتحة ترتخى وتريح وكمان بيهيج المرىء المصاب بالالتهاب ! -تناول مضاادات الحموضة زى ال maalox مثلا . -ابعد عن السجايـــــــــــــر واستنشق هوا نضيف . -متسمعش للاشاعات زى الى يقولك اشرب لبن ~~~ قوله لا طبعا عشان اللبن فيه بروتين وكالسيوم وده بيخلى المعدة تفرز احماض اكتر ! فبالتالى حموضة اكتر ! اشرب نعناع ~~~ لا برده عشان النعناع بيرخى العضلة وبيخلى الفتحة تفتح والعصارة تطلع من المعدة لفوق . تمام كده ولا اى ؟ معانا مفيش حموضة  
|
 |
|
العرض العادي
