رقم المشاركة : ( 1 )
|
|||||||||||
|
|||||||||||
كنت خارج من "On The Run" ماسك قهوة و شاب قد ابني تقريباً معدّي لقى ايديا مشغولة ففتحلي الباب .. قلتله: "شكراً تسلم ايدك"، فرد و قالي: "حبيبي" (قصده "عفواً") .. قالها بنبرة صوت مليانة طاقة و ثقة بالنفس لقيتني بابتسم جداً و افتكرت.. من ٢٥-٣٠ سنة كان فيه لغة معينة و تعبيرات باستعملها انا و اصحابي مليانة مصطلحات غريبة على الناس الاكبر في السن، كانوا بينتقدوا لغتي دي و انا كنت باستغرب جداً انتقادهم.. كنت بطبيعة سني متحمس لاسلوب حياتي و بحس ان انتقاد لغتي انا وجيلي كبت للحرية و فاشية غير مبررة.. و لما كبرت و فهمت اكتر فكرت و اتعلمت و عرفت و بقيت متأكد (ودي المفاجأة) اني كنت ساعتها صح و هما غلط .. عشان كده لقيت نفسي باستعمل لغة اولادي و اصحابهم في كل مرحلة بيعدوا بيها و باتعلم منهم الجديد بإعجاب و استمتاع و من غير ما الاقي جوايا اي تحفظات! الحب الحقيقي و الفهم لأولادنا أهم و أولى من الانتقاد الفارغ لاثبات وجهة نظر ملهاش دعوة بمبدأ ولا دين.. الاحترام المخلوط بالحب و الحرية طعمه احلى و طبيعي اكتر و أثره اعمق في تنمية المجتمع و تقريب وجهات النظر.. تعالوا نسيب كل واحد يعيش عصره و نتعلم ازاي نواكب العصر ده و نتمرن على المرونة و التغيير.. عيش الشباب طول ما انت عايش بشروط كل عصر تعيشه .. انصح ووجه ولادك لما يكون فيه سبب و معنى للتوجيه مربوط بمبدأ و حاول تعمل ده بطريقتك في الحياة قبل ما تلجأ للمقالات و الخطب.. و لما تستغرب حاجة بتتقال قدامك حاول تتعلم منها و تستمتع بيها و تفهم معناها بدل ما تقلق منها و تنتقدها و خلاص.. على وضعك بقى.. افكس للانتقاد و متهريش عالفاضي، امين؟ عيش_معاهم_او_سيبهم_في_حالهم محدش_بيعيش_حياة_حد_تاني |
17 - 01 - 2017, 11:50 AM | رقم المشاركة : ( 2 ) | ||||
..::| الإدارة العامة |::..
|
رد: تعالوا نسيب كل واحد يعيش عصره
ميرسي على مشاركتك الجميلة رينا
|
||||
17 - 01 - 2017, 11:59 AM | رقم المشاركة : ( 3 ) | ||||
† Admin Woman †
|
رد: تعالوا نسيب كل واحد يعيش عصره
مشاركة جميلة جدا ربنا يبارك حياتك |
||||
17 - 01 - 2017, 07:52 PM | رقم المشاركة : ( 4 ) | ||||
..::| الاشراف العام |::..
|
رد: تعالوا نسيب كل واحد يعيش عصره
ميرسى لمروركم الغالى
|
||||
22 - 01 - 2017, 10:23 PM | رقم المشاركة : ( 5 ) | ||||
..::| الاشراف العام |::..
|
رد: تعالوا نسيب كل واحد يعيش عصره
دائماً مُشاركاتَكْ رائْعة
موضوعك مُمَيز ربنا يبارك خدمتك |
||||
23 - 01 - 2017, 01:01 PM | رقم المشاركة : ( 6 ) | ||||
..::| الاشراف العام |::..
|
رد: تعالوا نسيب كل واحد يعيش عصره
ميرسى لمرورك الغالى
|
||||
أدوات الموضوع | |
انواع عرض الموضوع | |
|