|
 |
 |
 |
|
رقم المشاركة : ( 1 )
26 - 06 - 2017, 03:20 PM
|
|||||||||||
|
|||||||||||
 لما فتح عينيه .. شافها قدامه شاف واحدة بس .. عشان كان الهدف انها تبقى واحدة وبس .. هى كمان .. ماشافتش قدامها غيره .. خدها من ايديها وقعد يفرجها ويعرفها ويفهمها .. عن آدم وحواء اتحدث بقت تبص له وهى منبهرة بيه .. وهو عمال يعرفها يعنى ايه حياة معاه دى اسمها شجرة .. ودا اسمه اسد .. دى سما .. ودى مياه .. ودا بغبغان .. وانا بحبك .. اكيد كان فيه حكمة انها تتوجد بعده .. مش معاه ومش قبله عشان تبقى رسايل لكل ولادهم من بعدهم .. رسالة ليك انت .. مراتك ماتعرفش حاجة عن عالمك .. فهّمها وعرفها واشرح لها .. لوحدها مش هتعرف تكتشف رسالة ليكى انتى .. جوزك ماينفعش يعيش لوحده .. قربى منه بكل الطرق .. هو اساسا اختارك عشان محتاجك رسالة ليك انت .. مراتك يمكن اصغر منك .. لكن مش اقل منك .. عشان سر وجودها انها هى المعين ليك رسالة ليكى انتى .. جوزك عارف انك شايلة كتير .. بس فاضل تعرفى انه اساسا شايلك باللى انتى شايلاه رسالة ليك انت .. مراتك هى بكر ولادك .. ربيها وعلمها وكبرها .. وحتى لو تعبان معاها .. مانت بتتعب مع ولادك رسالة ليكى انتى .. جوزك اكبر ولادك .. اسمعيه وافهميه .. يمكن يكون صح .. ولو غلط .. ساعديه اقول لك على كلمة فى ودنك .. احنا رجالة زى بعض .. لو كان ينفع اعيش من غير مراتى .. ماكانش ربنا خلقهالى هم ساعات بيعملوا حاجات صعبة .. بس خلى بالك .. حوا .. جزء من سبب خروج ادم من الجنة .. ماسابهاش .. لأ كملوا حياتهم .. وفضل يحبها .. وربنا رزقه الذرية كمان .. بدليل ان انا وانت اهو موجودين وانتى برضه هاقولك على كلمة فى ودنك .. من كتر مانتى بتقولى الست نفسها فى كلمة حلوة .. نسيتى ان هو كمان نفسه فى كلمة حلوة وماتقوليش اصله مش رومانسى .. كلميه بلغته .. هيفهمك .. وخلى بالك ماحدش عارف لغته غيرك .. وماتسمحيش ان حد غيرك يعرفها م الآخر كدة .. انتو الاتنين اخترتوا بعض .. حتى لو اختياركم غلط .. صلحوا الغلط .. مش بالبعد .. لكن بنظام استبدال قطع الغيار لو اللسان هو المشكلة .. سهل يتغير .. لو الالفاظ هى المشكلة .. سهل نتمرن .. لو العادات هى المشكلة .. سهل نتعود على غيرها .. لو التصرفات هى المشكلة .. ايه يعنى لما نغيرها .. عن اختبار .. مافيش مشكلة مالهاش حل .. طول مانت عايش طول مانت بتفتح عينيك كل يوم الصبح .. يبقى لسة فيه فرصة فى حياة جديدة مختلفة وانا عن نفسى كل يوم باحاول .. افتكر كدة قصة حصلت من سنين كتير . قصة العيلة اللى دخلوا مركب .. واتقفلت عليهم اكتر من 40 يوم وطلعوا بعدها .. لقوا الطوفان مدمر كل حاجة .. بس طلعت عليهم شمس يوم جديد .. لا دى كانت شمس حياة جديدة ولقوا السما متزينة بأروع قوس الوان .. شكروا ربنا .. وحمدوا فضله وبدأوا .. وانتوا ايه .. مش هتبدأوا ؟؟؟؟؟؟؟؟؟ وبرضه الكلام ده حقيقى جدا ... أمير تادرس 
|
|
27 - 06 - 2017, 09:44 AM
|
رقم المشاركة : ( 2 ) | ||||
|
..::| الاشراف العام |::..
|
رد: قطع غيار
جميله جدااااااااااا
ميرسى ربنا يبارك تعب محبتك |
||||
|
|
|
27 - 06 - 2017, 11:39 AM
|
رقم المشاركة : ( 3 ) | ||||
|
..::| الإدارة العامة |::..
|
رد: قطع غيار
ميرسى على مرورك الغالى رينا  |
||||
|
|
|
28 - 06 - 2017, 08:57 AM
|
رقم المشاركة : ( 4 ) | ||||
|
† Admin Woman †
|
رد: قطع غيار
رووووووووووعة حببتي ربنا يفرح قلبك |
||||
|
|
|
28 - 06 - 2017, 06:42 PM
|
رقم المشاركة : ( 5 ) | ||||
|
..::| الإدارة العامة |::..
|
رد: قطع غيار
ميرسى على مرورك الغالى مرمر  |
||||
|
|
 |
|
| قد تكون مهتم بالمواضيع التالية ايضاً |
| الموضوع |
| شفاعتك يا عدار |
| يا عدار يا ام النور |
| بحبك يا عدار يا امي |
| يا عدار يا ام النور |
| اه يا زمن غدار |
العرض العادي
