|
 |
 |
 |
|
رقم المشاركة : ( 1 )
12 - 01 - 2017, 10:54 AM
|
|||||||||||
|
|||||||||||
|
من شويه كنت عند مامتي وحكت لي انها كانت عامله بيض مسلوق ففرح قالت لها انا مش بحب اكل الصفار فماما قعدت تقولها ده احلي حاجه ده جميل فبنتى قالت لها مامي قالت لي كلي نصه وقسمته مع اني مكنتش موجوده ومن كام سنه كنت سيباهم في مكان فصاحبه المكان قالت تفرحهم وقالت لهم احنا هنعمل كيكه فبنتى قالت لها بنعمل بالعسل عشان مفيد بدل السكر وخلتها حلت الكيك بالعسل وكانوا برضه خارجين مع أصحابهم وكلهم راحوا ياكلوا آيس كريم فرفضوا وقالوا احنا هناخد بداله فشار عشان مش بناخد حلويات غير مره في الاسبوع وده مش اليوم كل ده وانا مش موجوده ومش معاهم طيب ليه ولادي بيقدروا يلتزموا اكتر لأَنِّي عمري ما بحط قاعده وافرضها عليهم وبنبدل ده اننا نعمل القواعد سوا  طيب ده ازاي ١- بقعد معاهم واطرح عليهم المشكله اللي القاعده دي هتساعدهم فيها ٢- بنقعد نفكر مع بعض في بدائل كتير ٣- بنحط القاعده دي تحت الاختبار المستمر ٤- بنقعد نقيمها ونعدل فيها مره كل اسبوع لحد ما نحس انها بتريحنا في الواقع ٥- بنحط لنفسنا مرونه كسر الروتين لو حسينا بالملل وممكن جدا إننا نقعد نتفق من اول وجديد علي قاعده جديده تنظم حياتنا وتحل مشاكلنا وفي خلال الرحله دي بنتعلم اكتر بكتير اوي من مجرد مهاره التخطيط والمرونه والواقعيه بنتعلم نسمع بعض ونتعاون ونحل المشاكل اللي بتقابلنا ونحس بالسعاده بعد ما تبقي عقده وتتحل بنحترم إنسانيتنا وأننا بتزهق بس مش معني الزهق اني اروح للعكس وابقي ماشي من غير قواعد الزهق معناه اني اطور عشان انا بكبر وبطور مثال : لو ساعات في أكله مفيده طعمها مش عاجبنا واحنا عايزيين نستفيد منها ممكن نعمل ايه وكل واحد يقول حلول في اللي هيشوفه انه يغطي طعمها بحاجه تانيه في اللي هيشوف اننا نعملها بطرق مختلفه في اللي هيقول نشوف هي ايه الماده المفيده اللي فيها ويبدلها بنوع تاني في اللي هيشوف انه يأكل كميه قليله حبه حبه لحد ما يتعود علي طعمها وبعدين نجرب ونشوف في الواقع كان ايه عملي واحتمال نحط حلول جديده كلها بتخدم المشكله ان الطعم مش عاجبني وكده هتريحي دماغك من ان كل حاجه يبقي ليها جدال في اي وقت هيقولولك ده مش عجبني هتطلعوا من الحلول اللي مش بتخلص علموا ولادكم بإبداع جهزوهم لتحديات اللي مستنياهم ربوهم وابنوهم بدل ما تادبوهم cpd 
|
|
| قد تكون مهتم بالمواضيع التالية ايضاً |
| الموضوع |
| علموا ولادكم من صغرهم ان الفهلوة والضحك على الناس مش شطارة |
| علموا ولادكم الوقفة دى |
| علموا ولادكم التوازن |
| تصميم سلم بإبداع ليتمكن ايضا المقعدين من إستخدامه!! |
| بالصور: تصميم قطع أثاث مشوهة بإبداع |
العرض الشجري