|
 |
 |
 |
|
رقم المشاركة : ( 1 )
24 - 05 - 2017, 05:12 PM
|
|||||||||||
|
|||||||||||
|
 خلاص هتدي ابنك مضاد حيوي ؟؟ مفيش فايدة و مفيش حل غيره ؟! يبقى اعرفي اللي جاي الاول : السخونية مش معناها ابدا ان جسمنا بيعاني من نقص في مستوى المضاد الحيوي في الدم!! مش كل ما ابنك يسخن تجري ترزعيه كورس مضاد حيوي المضادات الحيوية بتشتغل ضد البكتيريا و البكتيريا بس .. معظم حالات ارتفاع درجة الحرارة خصوصا في الاطفال سببها فيروسي .. يعني مش محتاجة مضاد حيوي من اساسه.. المضاد الحيوي عمره ما كان علاج لدور البرد .. دور البرد ده التهاب فيروسي بيسبب احتقان في الاغشية المخاطية للجهاز التنفسي المضاد الحيوي مش مسكن او خافض للحرارة .. المضاد الحيوي بيموت البكتيريا اللي بتسبب ارتفاع في درجة الحرارة وده بياخد وقت .. ابنك سخن علاجه خافض للحرارة اولا ،، و في معظم الحالات اولا و اخيرا كمان .. كل عدوى وليها المضاد الحيوي المناسب ليها ،، مش معنى ان ابنك خف اخر مرة على مضاد معين يبقى ده اللي بيرتاح عليه و هنكرره المرة الجاية .. المضاد الحيوي بعد ما يتحلل في المية صلاحيته لا تتعدى ايام قليلة في احسن الاحوال .. مفيش حاجة اسمها نشيل باقي الازازة للمرة الجاية .. ممكن نوفر في حاجات كتيرة .. بس بلاش دي ! الاطفال الاقل استخداما للمضادات الحيوية بتبقى مناعتهم اقوى و بيبقوا اكثر قدرة على مقاومة العدوى ،، وده لان المضاد الحيوي زي ما بيقتل البكتيريا الضارة بيقتل كمان الباكتيريا النافعة الموجودة في جسمنا و اللي بتمنع بدورها تكاثر البكتيريا الضارة و بتشكل حاجز مناعي لينا .. اخر دراسة عملوها في امريكا لقو فيها ان٦٠٪ من الحالات اللي اتكتبلها مضاد حيوي مكانتش محتاجاه اساسا او كانت محتاجة علاج تاني !! تخيل ده في امريكا .. فما بالك في مصر اللي فيها المضاد الحيوي علاج لكل حاجة حتى الاكتئاب و الضعف الجنسي ! مفيش حاجة اسمها اكتبله حقن يا دكتور عشان الحقن اقوى ،، ومفيش حاجة اسمها المضاد الحيوي الشرب مجابش نتيجة يبقى ياخد حقن .. الدكتور اللي بيقولك كده متكشفيش عنده تاني ،، احنا بنلجأ للحقن لاسباب طبية تانية خالص ،، مثلا الطفل يكون عنده قيء مستمر او ان نوع المضاد الحيوي نفسه مش بيمتص عن طريق الامعاء مفيش حاجة اسمها السخونية راحت فنوقف المضاد الحيوي ،، قلنا في الاول المضاد الحيوي مالوش دعوة خالص بالسخونية .. دوكها اسمه خافض للحرارة ،، المضاد الحيوي احنا بنديه عشان نقضي على الالتهاب و نموت البكتيريا .. و مينفش يقف غير لما يكمل الجرعات اللي هتعمل كده .. و اخيرا المضاد الحيوي ده مش السحر ولا العمل اللي ابنك هياخدو من هنا يقوم يتنطط و يلعب و يدور الضرب في اخواته من هنا .. منستعجلش ابدا ونجري نغير المضاد احنا بنستى على الاقل ٤٨ ل ٧٢ ساعة قبل ما نفكر حتى في كده طول ما ما فيش اي اعراض مقلقة ارحموا ولادكم .. ارحموا المضادات الحيوية !! 
|
|
24 - 05 - 2017, 05:22 PM
|
رقم المشاركة : ( 2 ) | ||||
|
..::| الإدارة العامة |::..
|
رد: خلاص هتدي ابنك مضاد حيوي ؟؟
ارحموا ولادكم .. ارحموا المضادات الحيوية !! موضوع مهم جدا يا رينا ربنا يبارك خدمتك الجميلة |
||||
|
|
|
24 - 05 - 2017, 06:21 PM
|
رقم المشاركة : ( 3 ) | ||||
|
† Admin Woman †
|
رد: خلاص هتدي ابنك مضاد حيوي ؟؟
ارحموا ولادكم .. ارحموا المضادات الحيوية !!
صح يا قمر ربنا يباركك حببتي |
||||
|
|
|
25 - 05 - 2017, 08:04 AM
|
رقم المشاركة : ( 4 ) | ||||
|
..::| الاشراف العام |::..
|
رد: خلاص هتدي ابنك مضاد حيوي ؟؟
ميرسى لمروركم الغالى
 |
||||
|
|
 |
|
| قد تكون مهتم بالمواضيع التالية ايضاً |
| الموضوع |
| كيدارسيدين أول مضاد حيوي ضد السرطان |
| مضاد حيوى للأكتئاب |
| مضاد حيوى جديد بدم التماسيح |
| مضاد حيوى-عبد الحليم كل 6 ساعات |
| مضاد حيوي |
العرض العادي
