قصة

[george_sobhi]

يحكى لنا بستان الرهبان عن راهب كان عنده 3 خبزات فى المغاره وكان فى زمن جفاف النيل والمجاعة وكان الناس يروحوا ياخدوا من عنده الخبز فوزع اخر 3 خبزات وقعد 3 ايام جعان وبيصلى من اجل الجفاف فظهر له الملاك وقال له مادام اعطيت كل ماعندك فطول حياتك مش ح يكون بعد كده جفاف وخلص الجفاف ونزل الرخاء
فالواحد لما يعطى لربنا ربنا يعطى له والواحد ما يفتكرش انه بيعطى من عنده ربنا بيكافئ اضعاف الاضعاف

[george_sobhi]

عمل الرحمة

 " طوبى للرحماء لانهم يرحمون" مت 5 : 7
" فكونوا رحماء كما ان اباكم ايضا رحيم " لو 6 : 36
عمل الرحمة هو اقصر طريق للسماء عمل الرحمة اساسه ربنا يسوع المسيح نفسه لانه كان يجول يصنع خيرا للجميع يشفى المرضى يعزى الحزانى ويشبع الجياع
ويقول معلمنا يعقوب فى رسالتة
"الديانه الطاهره النقية عند الله الاب هى هذه افتقاد اليتامى والارامل فى ضيقتهم" يع 1 : 27
ونقرأ فى سفر اشعياء
"تعلموا فعل الخير اطلبوا الحق انصفوا المظلوم اقضوا لليتيم حاموا عن الارمله " اش 1 : 17
عمل الرحمة معناه المحبه يعنى واحد يقف مع غيره فى ضيقته معنى كده ان اللى يرحم غيره ربنا يرحمه ففى الاجبية فى صلاه نصف الليل يقول
ليس رحمة فى الدينونة لمن لم يستعمل الرحمة
والزيت اللى فى اوانى الحكيمات فى مثل العشر عذارى هو طبعا الاعمال الصالحة ونمره واحد عمل الرحمة فالشخص اللى بيعمل رحمة بيدخل مع رب المجد الى العرس السماوى
عمل الرحمة دا علامة على صدق المحبة واحد بيرحم بيقف بجوار اخوه التعبان فيبقى عنده محبه صادقة فعلا وممكن واحد يقول انا باحب فلان لكن لو حصل لفلان تجربة او ضيقة وتخلى عنه فى وقت الضيقة دى مش محبة

بجوار اخوه التعبان فيبقى عنده محبه صادقة فعلا وممكن واحد يقول انا باحب فلان لكن لو حصل لفلان تجربة او ضيقة وتخلى عنه فى وقت الضيقة دى مش محبة
ومعلمنا يوحنا الانجيلى فى رسالته الاولى بيقول ايه
يا اولادى لانحب بالكلام ولاباللسان بل بالعمل والحق1يو 3 : 18
يحكى لنا بستان الرهبان عن راهب كان عنده 3 خبزات فى المغاره وكان فى زمن جفاف النيل وكان الناس يروحوا ياخدوا من عنده الخبز فوزع اخر 3 خبزات وقعد 3 ايام جعان وبيصلى من اجل الجفاف فظهر له الملاك وقال له مادام اعطيت كل ماعندك فطول حياتك مش ح يكون بعد كده جفاف وخلص الجفاف ونزل الرخاء
فالواحد لما يعطى لربنا ربنا يعطى له والواحد ما يفتكرش انه بيعطى من عنده ربنا بيكافئ اضعاف الاضعاف

زى حكاية القديس الانبا اغاثون
الانبا اغاثون كان ساكن فى مغارة وهو بيحب يعمل رحمة كتير وكان الرهبان بينزلوا يبيعوا الشغل بتاعهم ويعيشوا بجزء منه ويتصدقوا بالباقى فالانبا اغاثون اخذ القفف ونزل يبيعها فى السوق فقابله فى الطريق واحد عنده جذام وده مرض معدى بياكل الاطراف ويخلى الواحد فيه قروح على طول ومنظره صعب جدا والشخص اللى عنده جذام بيبقى متالم فقال له المجذوم خدنى معاك للمدينه فحمله لغاية المدينه ولما وصل قال له المجذوم خدنى معاك للسوق فاخده ولما باع عمل يديه
المدينه ولما وصل قال له المجذوم خدنى معاك للسوق فاخده ولما باع عمل يديه سأله المجذوم انت بعت الشغل بكام فقال له بكذا فالمجذوم قال له اشتر لى شبكة فاشترى له فرجع وطلب منه تانى هات لى كذا وكذا من الاكل فالانبا اغاثون قال له حاضر واشترى له كل طلباته
فالمجذوم قال له طيب من فضلك شيلنى تانى ووصلنى للمكان اللى قابلتنى فيه فشاله ورجعه للمكان ولما جه ينزله طار لفوق فالانبا اغاثون رشم الصليب وقال بسم الصليب فرد عليه من فوق وقال له مبارك انت من الرب الهنا الذى خلق السماء والارض وقال له انه ملاك وربنا بعته علشان يختبر محبته وايمانه ورحمته
يبقى اذا عمل الرحمة موجه لربنا نفسه لان فى اليوم الاخير ربنا ح يقول لخرافة اللى على اليمين
" تعالوا يا مباركي ابي رثوا الملكوت المعد لكم منذ تاسيس العالم.لاني جعت فاطعمتموني عطشت فسقيتموني كنت غريبا فاويتموني.عريانا فكسيتموني مريضا فزرتموني محبوسا فاتيتم الي.فيجيبه الابرار حينئذ قائلين يا رب متى رايناك جائعا فاطعمناك او عطشانا فسقيناك. و متى رايناك غريبا فاويناك او عريانا فكسوناك.ومتى رايناك مريضا او محبوسا فاتينا اليك.فيجيب الملك و يقول لهم الحق اقول لكم بما انكم فعلتموه باحد اخوتي هؤلاء الاصاغر فبي فعلتم".

[walaa farouk]

ربنا يبارك خدمتك الجميلة

[Mary Naeem]

ربنا يبارك حياتك

[Rena Jesus]

ميرسى ربنا يبارك تعب محبتك

[magy]

شكراااا .. ربنا يبارك خدمتك

[george_sobhi]

شكرا على التشجيع وربنا يبارك فى خدمتكم وحياتكم

[Kerolos_Faik]

كلمات رائعة ..مشاركة مميزة

[george_sobhi]

https://www.mediafire.com/file/pv5zq2...8%AF%D9%89.rar

[MenA M.G]

قصة جميلة جداً .. طرح رائع
ربنا يبارك خدمتك