زوادة اليوم: الأحلام أوهام

[souad jaalouk]

زوادة اليوم: الأحلام أوهام


بيخبرو عن مرا كتير فقيرة، لاقت بيضا، حملِتا بكل فرح وإجِت لعند زوجا وقالتلو: «يا رجّال اغتنينا»، قلاّ: «كيف؟» قالتلو: «أنا لقيت هالبيضة رح آخدها لجارنا بيحطّها تحت الدجاجة عندو، البيضة بتصير صوص والصوص بيكبر بيصير دجاجة، والدجاجة بدورها بتبيض بَيض، ما مناكلُن، منحطُّن تحتا، وبيصيرو صيصان، والصيصان بيصيرو دجاج، والدجاجات بيكترو كتير، منبيعُن ومنشتري بقرة، والبقرة بتخلّف بقرة زغيرة، وبعدان تنيناتُن بيخلّفو وهيك بيصير عنا قطيع بقر، منبيعن ومنشتري قطعة أرض، منستثمرا وبتعطينا مصاري، ومنشتري قطعة تانية ومنستثمر التنَين، وأكيد رح منصير أغنيا»، ومن كترة فرحتا، كانت عم بتشبّر، وقعت البيضة من إيدا وانكسرت، وتبدّدت كل الأحلام.


الزوّادة بتقلّي وبتقلّك «ما تصدق كلّ شي بينقال، ما تركض ورا أحلام غير ممكنة، حافظ على يلّي حاملو بين إيديك».

[Ramez5]

حلوة قوى

[Rena Jesus]

ما تركض ورا أحلام غير ممكنة، حافظ على يلّي حاملو بين إيديك



ميرسى ربنا يبارك تعب محبتك

[Mary Naeem]

ما تصدق كلّ شي بينقال، ما تركض ورا أحلام غير ممكنة، حافظ على يلّي حاملو بين إيديك
في منتهى الجمال يا قمر
ربنا يباركك

[sama smsma]

ما تصدق كلّ شي بينقال، ما تركض ورا أحلام غير ممكنة، حافظ على يلّي حاملو بين إيديك

ربنا يفرح قلبك يا قمر

[walaa farouk]

«ما تصدق كلّ شي بينقال، ما تركض ورا أحلام غير ممكنة، حافظ على يلّي حاملو بين إيديك».

ميرسي على مشاركتك الجميلة
ربنا يفرح قلبك

[souad jaalouk]