منتدى الفرح المسيحى  


العودة  

إضافة رد
 
أدوات الموضوع انواع عرض الموضوع
  رقم المشاركة : ( 1 )  
قديم 11 - 08 - 2017, 08:02 AM
الصورة الرمزية Rena Jesus
 
Rena Jesus Female
..::| الاشراف العام |::..

 الأوسمة و جوائز
 بينات الاتصال بالعضو
 اخر مواضيع العضو
  Rena Jesus غير متواجد حالياً  
الملف الشخصي
رقــم العضويـــة : 1424
تـاريخ التسجيـل : Sep 2013
العــــــــمـــــــــر :
الـــــدولـــــــــــة : مصر
المشاركـــــــات : 69,625

خدعة الفستان الأبيض

هو الفستان الابيض اللى عيشتى عمرك وانتى بنوتة بتحلمى بيه ..بيتلبس ساعتين بس.. ااااه واللله..... بس عشان انا حلفت هتلبسيه نص ساعة "بروفة"ومحدش هيشوفه وبعدها ساعتين يوم فرحك وخلااااااااااااااااااص ..

وبعدها هتلبسى برضه وتلاقى نفسك خمس شهور كدة غثيان وقئ...
انسى ميرفت امين وهى بتجرى على حوض الحمام وبعدها بمشهدين تلاقيها ولدت ..
بقولك خمس شهور بعدها هتنسى افلام الرومانسية كلها مش بتاعت ميرفت بس خدعة الفستان الأبيض

عشان هتلاقى جوزك دايما سابقك بخطوتين او اكتر على حسب كأنه قرفان او مكسوف مش عارفة ليه ودايما هيقولك "انتى اللى ماشية براحة اوى "شوية وهتلاقى القنبلة اوشكت على الانفجار وهتبصى حواليكى وتدورى ...
انسى مفيش حد غيرك هيدفع تمن غلطتك ..
بس اللى هيغيظك اكتر لما تكونى لسة خارجة من اوضة العمليات وتلاقى جوزك بيرد على التليفونات
ويقول بكل برود "اه الحمد لله انا جبت فلان هتصور جمبه وانزل الصورة على الفيس"
وبكل ذرة فى كيانك المتبعتر من الولادة هيبقى نفسك تقوليله
"جبت؟؟؟ انت اللى جبت!!!!!!!!!! انت مجبتش حااااجة ..مفيش صور. مفيش فيس. اطلع برررررررررررررره "

فكك م الوجع دى قضية مفروغ منها وبعدين فيه مسكنات خدعة الفستان الأبيض ..
خدى عندك يوم السبوع هتلاقى البيبى بيعيط والحوار هيدور بينك وبين ستات مخضرمة كالتالى :
ست منهم :رضعيه
انتى:لسة واكل
ست برضه:غيريله
انتى:لسة مغير
ست تانية:شيليه ف حضنك
ست تالتة:لألأ متعوديهوش على الشيل
ست رابعة:طب هزيه
ست خامسة:لألأ متعوديهوش على الهز

انا عايزة اقولك حاجة ..
متحاوليش انك تعوديه هى سنة ياروحى هو اللى هيعودك وهيبرمجك وهيغير مواعيد نومك وصحيانك ولبسك وحمامك وهتشوفى جوزك اللى انتى عايشة معاه صدف وبترتيب مسبق .
وهتعملى الغدا فى ميعاد يناسب معاليه لألألأ مش الغدا بس ده كل حاجة وسلميلى ع البرمجة لما تلاقى نفسك بتمشى على اطراف صوابعك ومتولعيش نور وتحطى ايدك على بق اى حد يتكلم جمبه ..
ولا لما تثبتى فجأة على وضع بعد ساعتين صريخ لمجرد انه سكت عليه ولو حد دخل عليكى يفتكرك بتلعبى تماثيل اسكندرية من غرابة الموقف ..هاه ايه رأيك ف البرمجة ؟؟

بتحبى المشى؟؟ امشى بيه فى البيت ده هيكون اخرك واكرملك على فكرة
بتحبى تنامى بليل زى الناس ؟؟انسى هتنامى بالنهار وهتصحى طول الليل
بتحبى السينما؟؟ انسى
بتحبى النسكافيه والببسى وحاجات تانية مضرة ؟؟...من نفسك يا حلوة بطليهم انتى مش عارفة ان اللى بتاكلية وبتشربيه بينزل لمعاليه ف اللبن !!!

ابنك بيعيط ..سألتى نفسك ليه؟؟
جعان عطشان بردان حران زهقان قرفان لآزم تشغلى قرون استشعار وتخمنى وتجربى وتستحملى انه يتف الاكل ويوسخ هدومه بس عشان يقولك انه مش جعان

ابنك تم سنة هااااه ايه رأيك ف البرمجة ؟؟
غيرتى نظام بيتك خبيتى الفيش بتقفلى باب الحمام والمطبخ كويس استعوضتى ربنا فى كام موبايل وريموت وبرفان ..
نفسى اقول لمحلات لعب الاطفال انهم لو عملو اللعب حللل ومعالق وموبايلات وريموتات هيكسبو بالهبل بس تكون اصلى مش بلاستك خدعة الفستان الأبيض

هاااه ايه ده؟؟ انتى بتجرى على حوض الحمام تاااانى ؟؟اكيد مش قصدك
البيبى التانى بيعيط طب حطى الاحتمالات اللى فوق "جعان عطشان ....
"وضيفى ليها "اخوه عضه - قرصه-داس عليه-شاله- اكله الريموت -حط المخدة عليه ...."
الاتنين بيعيطو؟؟ جمب الاحتمالات الاولى والتانية حطى احتمال ان يكون ابوهم بيحاول يخلص منهم "
سمعتى اغنية ايهاب توفيق "اصلى بنام تخاطيف "اسمعيها هتعبر عنك ..
مكانش عاجبك نوم النهار ..صح؟

تعبتى ؟؟ اول اقتراح هيتعرض عليكى "هاتى العيال واخرجى"
هتفرحى جدا واول ربع ساعة بعد ماتسبيهم هيوحشوكى وصوت عياطهم مسمع فى قلبك "دى اعراض فصام وجوزك اول واحد هيلاحظها وهيعمل عبيط ومش هيبلغ عنك مستشفى الامراض العقلية لأن اهله هينصحوه ويقولوله خليها تربى العيال خدعة الفستان الأبيض

تعبتى تانى؟؟ فكرتى تنامى وتسبيهم ؟؟
بصى العبى لعبة قتالية واعملى نفسك ميتة ونامى شوية فى احتمال انك تتحولى ترومبلين"نطيطة" او هما يبقو دكاترة تشريح "عيون وانف واذن وشعر"
هيكتشفو ويتعلمو حاجات بالهبل ..
وممكن ينسحبو لجهة تخريبية اخرى وعوضك على الله فى اى حاجة كنتى منعاهم منها ..يئستى ؟؟لالالالالالالا انا مش عايزاكى تفقدى الامل وتحسى ان حياتك اسودت فيه امل انهم ينامو جمبك ..
وساعتها هيحصل حاجة من تلاتة:
1 . حاجة هترن "باب .موبايل. تليفون" لسبب ملوش تلاتين لازمة
2. ابو العيال هيندهلك "العيال نامو؟؟"
3. هتصحى وتفوقى وعينك تفنجل وهتجرى ف البيت زى الهبلة وهتقفى ساعة تتفرجى عليهم وهما نايمين خدعة الفستان الأبيض ..
بعدها هتروحى لدولابك وتطلعى الفستان الابيض فااكراااه وهتعيطى وتضحكى ف نفس الوقت
لو نمرة تلاتة دى حصلتلك استعينى فورا بضاكتور نفسانى ..مش عيب صدقينى

هااااااااه ايه ده ؟؟؟؟؟
انتى بتجرى على حوض الحمام تانى ؟انتى اكيد بتستهبلى صح
خدعة الفستان الأبيض خدعة الفستان الأبيض خدعة الفستان الأبيض
رد مع اقتباس
قديم 11 - 08 - 2017, 10:45 AM   رقم المشاركة : ( 2 )
Mary Naeem Female
† Admin Woman †

الصورة الرمزية Mary Naeem

الملف الشخصي
رقــم العضويـــة : 9
تـاريخ التسجيـل : May 2012
العــــــــمـــــــــر :
الـــــدولـــــــــــة : Egypt
المشاركـــــــات : 1,207,016

 الأوسمة و جوائز
 بينات الاتصال بالعضو
 اخر مواضيع العضو

Mary Naeem متواجد حالياً

افتراضي رد: خدعة الفستان الأبيض

هااااااااه ايه ده ؟؟؟؟؟
انتى بتجرى على حوض الحمام تانى ؟انتى اكيد بتستهبلى صح
ربنا يبارك حياتك
  رد مع اقتباس
قديم 12 - 08 - 2017, 08:50 PM   رقم المشاركة : ( 3 )
walaa farouk Female
..::| الإدارة العامة |::..

الصورة الرمزية walaa farouk

الملف الشخصي
رقــم العضويـــة : 122664
تـاريخ التسجيـل : Jun 2015
العــــــــمـــــــــر :
الـــــدولـــــــــــة : مصر
المشاركـــــــات : 348,970

 الأوسمة و جوائز
 بينات الاتصال بالعضو
 اخر مواضيع العضو

walaa farouk متواجد حالياً

افتراضي رد: خدعة الفستان الأبيض

هااااااااه ايه ده ؟؟؟؟؟
انتى بتجرى على حوض الحمام تانى ؟انتى اكيد بتستهبلى صح

ربنا يبارك تعبك
  رد مع اقتباس
قديم 13 - 08 - 2017, 06:11 AM   رقم المشاركة : ( 4 )
Rena Jesus Female
..::| الاشراف العام |::..

الصورة الرمزية Rena Jesus

الملف الشخصي
رقــم العضويـــة : 1424
تـاريخ التسجيـل : Sep 2013
العــــــــمـــــــــر :
الـــــدولـــــــــــة : مصر
المشاركـــــــات : 69,625

 الأوسمة و جوائز
 بينات الاتصال بالعضو
 اخر مواضيع العضو

Rena Jesus غير متواجد حالياً

افتراضي رد: خدعة الفستان الأبيض

ميرسى لمروركم الغالى
خدعة الفستان الأبيض خدعة الفستان الأبيض خدعة الفستان الأبيض
  رد مع اقتباس
إضافة رد

أدوات الموضوع
انواع عرض الموضوع

الانتقال السريع

قد تكون مهتم بالمواضيع التالية ايضاً
الموضوع
سر ارتداء الفستان الأبيض في ليلة الزفاف
صورة مدهشة من قرب الحوت الأبيض والذي يسمى أيضاً باسم الدلفين الأبيض لشبهه الشديد بالدلفين
خدعة سحرية لإخفاء الشعر الأبيض
شغل الخرز في الفستان
ذات الفستان الاحمر!!


الساعة الآن 11:15 AM


Powered by vBulletin® Copyright ©2000 - 2024