منتدى الفرح المسيحى  


العودة   منتدى الفرح المسيحى > منتدى الأسرة و المرأة > ركن العروسة وليلة العمر

نصايح مهمه جداااااااا لأي عروسه فالدنيا ...

إضافة رد
 
أدوات الموضوع انواع عرض الموضوع
  رقم المشاركة : ( 1 )  
قديم 23 - 06 - 2017, 05:24 PM
الصورة الرمزية Rena Jesus
 
Rena Jesus Female

 الأوسمة و جوائز
 بينات الاتصال بالعضو
 اخر مواضيع العضو
  Rena Jesus غير متواجد حالياً  
الملف الشخصي
رقــم العضويـــة : 1424
تـاريخ التسجيـل : Sep 2013
العــــــــمـــــــــر :
الـــــدولـــــــــــة : مصر
المشاركـــــــات : 40,082 [+]



نصايح مهمه جداااااااا لأي عروسه فالدنيا ...


1- لو نفسك تلبسي لينسيز ف فرحك ودي اول مره ف حياتك تعمليها ...
ياريت قبلها بشهرين تلاته تدربي عينك عليها وتشوفي هتقدري تستحمليها والا لا ..
هاتي اي حاجه سعرها كويس مش لازم تجربي في الغالي
عشان متجيش يوم الفرح وتتفتّح فياضانات دموع
والميكب يبوظ وهتضطري تخلعيها أو تقضي باقي الفرح وعينك حمرا ومدمعه ومش عارفه تستمتعي باليوم اللي مش هيتكرر تاني

2- غالبا غالبا مفيش فساتين لونها ابيض بالسوق كتير ..
اللي بيحصل ان اضاءه الاتيليه بتكون شديييده جدا عشان الفساتين تكون منوره والشغل اللي فيها يزغلل عنيكي ويخليكي تحجزيه
بس هو في الآخر بيكون اوف وايت
فا لما تنزلي تشترى الطرح ياريت تستأذني الاتيليه ف بدي او طرحه او بندانه وتشتري التل اللي هتلفيه نفس اللون
عشان متفاجئيش يوم الفرح انك شاريه طرح بيضا والفستان اوف وايت ونقعد نعيط ونقول والله كان ابيض !! هو بقى اوف وايت امتى !!

3- تجنبي تماما انك تخلي اي وحده من صحابك تجيلك وانتي بتعملي ميكب من نوعية
( البنات اللي دايما يحبطوا الواحد ف اي حاجه بيعملها - واللي عنيها وحشه )
زي مثلا ..
بعد ماتكوني راضيه عن نفسك تماما واختك أو مامتك معاكى مثلا وبرضو انتي عجباهم موووت
تيجي الهانم مخربة البيوت بقي وتقولك
ايه ده !!! ايه اللي عملا ف نفسك ده .. ده ميكب خفيف جدا او تقيل جدااا..
ازاي تحضري فرحك بمنظرك ده !!
ايه الفستان ده!
مش كنتي رحتي للاتيليه اللي كلمتك عنه
ايه التاج ده صغير قوي أو كبير قوييي !!
النوعيه دي ببقى عوزه اقتلها ...
وانتي كا عروسه عارفه صحبتك ولسانها وطريقتها ..
متجبيهاش معاكى يوم زي ده ابدا
ده غير اللي عنيها وحشه دي حاجه مفروغ منها اصلا

4- لو مش متعوده على Full Makeup
ولا ركبتي رموش قبل كده
أول حاجه .. قبلها باسبوعين هاتي قطرة من الصيدلية
المهم تحطي مره الصبح ومره بليل قبلها بأسبوع أو 2 مثلا دي هتساعد على تقليل الاحمرار والدموع يوم الفرح
تاني حاجه ( هاتي بروزولين ) أو أي قطره ليها نفس الخاصيه بتاعتها .
دي بعد ماتخلصي ميكب عنيكي هتشيل الاحمرار وتبقى عنيكي صافيه

5- متتخضيش من أول طبقة ميكب وتقعدي تفركي وتعيطي
اعتبريه وش محاره مثلا
وبعدها هننزل بالألوان والديكورات وهتبقي عروسه موزه ان شاء الله

6- نقول تاني وتالت وعاشر
أي حمام ( بخار . مغربي . ساونا . شمع للوش ) الخ الخ
يتسبب انه يفتح مسام وشك ..
ياريت يتعمل قبل الفرح بيومين عشان ميفتحش مسام وشك وميبهدلش الميكب ارجووكي

7- نااامي كوويس جدا قبل الفرح ..
بلاش جو التوتر والقلق ده يسيطر عليكي خااالص
انشالله تاخدي منوم ... بس بجد لازم تكوني نايمه كويس
ده هيساعد ف راحة عنيكي وتقليل احمرارها والدموع كمان

8- اشربوا ميه كتير كتير كتييير قويي.. من قبلها بيوم والا يومين ؟!
لأ !!!
من قبلها بتلات شهووور دوسي على نفسك وكملي لتر وبعدها 2 لتر لحد ما توصلي لل 3 لتررر
صدقيني هتفرق ف بشرتك جداااا ونضارتها

9- متحجزيش مع اي كوافير او ميكب ارتست لمجرد أنه سعره مناسب ليكي !!
احجزي مع اللي ترتاحيلها وترتاحي فالكلام معاها و شغلها عاجبك وواثقه فيها وتكوني عارفه وواثقه انك هتروحي تغمضي عنيكي وتفتحي أما تخلص هتكون عملتلك اللي انتي عوزاه واحلى كمان
اهممم حاجه راحتك النفسيه في يوم زي ده

10- لو هتعملي شعرك بروتين..
نصيحه الأول اعملي تحليل وشوفي عندك نقص حديد أو انيميا والا لا
اسمه تحليل فراتين
عشان لو عندك حاجه من دول هيكون بالتالي شعرك ضعيف
وبالتالي هيقع بطووووله ومش هتلحقي تتهني بيه
ولازم لازم تعمليها مع حد متخصص يكون عارف شعرك محتاج نوع ايه
علاجي والا فرد ?? والا 2 مع بعض ??

11-ياريت ليلة الحنه تكون قبل الفرح بيومين ..
عشان اليوم اللي قبل الفرح متعمليش اي حاجه ف حياتك غير انك تريلاكس وتنامي

12- اهتمي بنفسك قبل الفرح بتلات شهور .. اتعلمي تعملي حمام مغربي لنفسك .. وماسكات لبشرتك ..باديكير كمان !!
متخليش حد يضحك عليكي
ويأخذ منك اسعار مضاعفه ويستغل انك عروسه ف حجات اسعارها عبيطه جدا
وعمايلها سهله جدا جدااا

13- زي ما بنهتم ببشرتنا وجسمنا حضرتك في سنان لازم نهتم بيها برضو
نغسل سنانا مره الصبح ومره قبل النوم وياسلام لو نزود مره بعد الغدا
وقبل الفرح بكام يوم ..
روحي لدكتوره عسوله كده وخليها تعملك تبييض أسنان
هتفرق معاكي جدا ف ابتسامتك يوم الفرح
الميكب دايما بيصفر الأسنان شويه
لكن لو بيضتيها هتبقي شكلها عسول جداااا

14- روحي جيم !!!
سواء مليانه أو رفيعه روحي جييييم
العقل السليم في الجسم السليم
الجيم بينشط الجسم و بيقوي العضلات ..
ومفيش جو ان عضلاتك هتكبر وتبقى زي الولاد !!!
هرمونات الانوثه عند حضرتك مش هتخليكي توصلي للمنظر ده اساسا
بالعكس ده لو عندك سيلوليت وخطوط بيضا هتروح .. جلدك هيكون مشدود
جسمك هيترسم وهيتظبط
وبالتالي الفستان هيبقى حلو عليكي

15- لو فرحك ف وقت سيزون و اعياد وخميس وجمعه ...
وناويه تحجزي مع ميكب ارتست ..
لازم لازم تحجزي معاها قبلها بتلات او اربع شهور
أو قبل ماتحجزي القاعه اصلا كلميها وقوليلها ايه الايام اللي فاضيه عندك في شهر كذا ..
وظبطي معادك معاها من الاول..
ومتكسليش عشان متتسحليش بعد كده وتروحي لحد انتي مش مقتنعه بيه لمجرد ان ده المتاح قدامك وخلاص !!!
اهتمي بحجز الميكب ارتست والمصور من بدري
زي ما ب تهتمي ب الفستان والقاعه
لكن لو هتحجزي كوافير ..
أظن عادي لو رحتي اي وقت لانهم بيبقوا كذا حد شغال في نفس المكان ويقدروا يشيلو الشغل سوا

16- لازم تهتمي بترطيب البشره وشرب الميه
ويكون معاكي كريم ليل ونهار وكريم للإيد كمان
حتى لو بشرتك دهنيه ليها كريمات مخصصه هتفيدها برضو
زي مثلا ايفا و بوندز و لوريال وغيرهم نازل منهم لكل أنواع البشره
ولو بتنزلي شغل او كليه ومعرضه للشمس لازم تستخدمي صن بلوك زي مثلا ايفا أو لارووش

17- كل اسبوع اعملي كام ماسك على حمام بخار وشكراً وتقشير ... لوشك والرقبه والايد ...
و هتلاقوا عندنا أحلى الوصفات وكلها تحارب شخصيه و حلوه جدا
وطالما الحاجه دي منتجات طبيعيه من العطار أو البيت ...
ان ماافادتكيش مش هتضرك بس انا واثقه انها هتفيدك
رد مع اقتباس
قديم 23 - 06 - 2017, 05:30 PM   رقم المشاركة : ( 2 )
walaa farouk Female

الصورة الرمزية walaa farouk

الملف الشخصي
رقــم العضويـــة : 122664
تـاريخ التسجيـل : Jun 2015
العــــــــمـــــــــر :
الـــــدولـــــــــــة : مصر
المشاركـــــــات : 76,209 [+]

 الأوسمة و جوائز
 بينات الاتصال بالعضو
 اخر مواضيع العضو

walaa farouk غير متواجد حالياً

افتراضي رد: نصايح مهمه جداااااااا لأي عروسه فالدنيا ...

ميرسى على النصائح رينا

ربنا يفرح قلبك
  رد مع اقتباس
قديم 23 - 06 - 2017, 05:32 PM   رقم المشاركة : ( 3 )
Mary Naeem Female
† Administrator Woman †

الصورة الرمزية Mary Naeem

الملف الشخصي
رقــم العضويـــة : 9
تـاريخ التسجيـل : May 2012
العــــــــمـــــــــر :
الـــــدولـــــــــــة : Egypt
المشاركـــــــات : 563,435 [+]

 الأوسمة و جوائز
 بينات الاتصال بالعضو
 اخر مواضيع العضو

Mary Naeem غير متواجد حالياً

افتراضي رد: نصايح مهمه جداااااااا لأي عروسه فالدنيا ...

و هتلاقوا عندنا أحلى الوصفات وكلها تحارب شخصيه و حلوه جدا
وطالما الحاجه دي منتجات طبيعيه من العطار أو البيت ...
ان ماافادتكيش مش هتضرك بس انا واثقه انها هتفيدك
ربنا يباركك حببتي
  رد مع اقتباس
قديم 24 - 06 - 2017, 03:30 PM   رقم المشاركة : ( 4 )
Rena Jesus Female

الصورة الرمزية Rena Jesus

الملف الشخصي
رقــم العضويـــة : 1424
تـاريخ التسجيـل : Sep 2013
العــــــــمـــــــــر :
الـــــدولـــــــــــة : مصر
المشاركـــــــات : 40,082 [+]

 الأوسمة و جوائز
 بينات الاتصال بالعضو
 اخر مواضيع العضو

Rena Jesus غير متواجد حالياً

افتراضي رد: نصايح مهمه جداااااااا لأي عروسه فالدنيا ...

ميرسى لمروركم الغالى
  رد مع اقتباس
إضافة رد

أدوات الموضوع
انواع عرض الموضوع

الانتقال السريع


الساعة الآن 08:33 AM
Powered by vBulletin® Copyright ©2000 - 2017, Jelsoft Enterprises
|| بالتعاون و العطاء نصنع النجاح و الأستمرارية لهذا الصرح الكبير ||
جميع المواضيع والمشاركات المكتوبة تعبر عن وجهة نظر كاتبها
وليس بالضرورة عن وجهة نظر إدارة المنتدى