عدي علي ربنا الأول

[walaa farouk]

كان هناك رجل غلبان يعمل علي باب الله ولكن في كل ذلك يشكر هو وزوجته الله ورغم فقرهم لم يمد ايدهم لأحد،وخرج كثير ليبحث عن عمل ولكنه لم يجد وكانت زوجته تصلي كثيرا وتطلب من الله ان يتحنن عليه حتي يجد مايسد به جوع الأطفال

وفي يوم قالت له زوجته قبل ان يخرج ليبحث عن عمل ايه رإيك تعدي علي ربنا الأول ،قالها ازاي ؟ قالت له كل يوم بتخرج تدور علي شغل ومش بتلقي روح لربنا الاول وعدي عليه في الكنيسة واطلب منه وهو هيدبر احتياجاتنا ،قال له عندك حق انا هعدي عليه

وفعلا راح الكنيسة وصلي وكانت الكنيسة فاضية لا يوجد فيها احد وهو خارج بص في الارض وجد الف جينه فرح وقال دي من يد الله خدها ورجع البيت حكي لزوجته اللي حصل ،قالتله دي مش من حقنا رجعها مكانها اكيد صحابها بيدور عليها والامانة اهم شي في الكلام والأفعال وفي كل شي ،اقتنع بكلامها ورجع وفضل يدور علي صاحب الألف جينه وقال بصوت عالي حد ضائع منه الف جينه ،فوجد رجل أمامه وقال له دي بتاعتي ووقعت مني ،بس خدها ليك وخد كمان عليها تسع الالاف جينه يعني عشر الآلاف جنية،قال له الرجل الغلبان ازي وايه السبب دي مش من حقي يا بيه ،قاله انا كنت حاططها في الكنيسة وقلت اللي هيلقها ويجيبها هيبقي انسان أمين هشوف فيه صورة المسيح المفقودة فى هذا الزمن الردئ ،فرح الرجل الغلبان ،وشكر ربنا علي عطاياه الكثيرة وشكر الرجل الغني ذو القلب الكبير ورجع لزوجته وحكلها عمل ربنا القدير ومحبته الغير محدود لاولاده الفقراء والمحتاجين وبعد ذلك عمل الرجل مشروع وبقي يساعد كل الفقراء والغلبانين .

احبائي الامانه كنز يجب ان نقتنيه ونعيش دائما فيه ،امانه في المحبه وفي العمل وفي الفعل وفي القول وفي الحق وفي كل شي ونتذكر قول إلهنا الحبيب كن أمينا الي الموت أعطيك إكليل الحياة .

وقبل كل شي يجب ان نعدي علي ربنا الاول في كل شي يكون من خلاله ومن خلال الله ينجح كل شي.

[نرمين واصف]

آمين رووووووووووووعة ربنايباركك

[Mary Naeem]

مشاركة جميلة جدا

ربنا يبارك حياتك

[Rena Jesus]

قصه روعه
ربنا يبارك تعب محبتك

[MenA M.G]

دائماً مُشاركاتَكْ رائْعة
موضوعك مُمَيز
ربنا يبارك خدمتك

[walaa farouk]

نيرمين
مارى
رينا
مينا
ميرسي كتير على مروركم الغالى