منتدى الفرح المسيحى  

يا بكر بتول وعروس يا تابوت عهد النعمة يا ثمرة لذيذة طعمة يا جنة وفردوس حملت الغير محسوس يا خليلة سليمان يا دواء يبرىء التعبان يا ذات البتولية يا رجاء المسيحية يا زرع طاهر مبرور يا سالمة من الشرور يا شفيعة فى المومنين يا صلاحا للخاطئين يا ضياء فى البرية يا طاهرة ونقية يا ظاهرة باجلى بيان يا عروسة للديان يا غالية وثمينة يا فاضلة وامينة يا قوية فى الحروب يا كنز اللة الموهوب يا لوح العهد الجديد يا معونة لمن يريد يا نسل طاهر مغبوط يا هيكل نقى مضبوط يا والدة الالة يا لائقة لة فى علاة يا يقوت غالى الاثمان يا زهرة فى البستان السلام لك يا مريم


صوم العذراء مريم

صوم السيدة العذراء مريم

حاله من الفرح تملأ قلوب الجميع فى مثل هذا الوقت من كل عام
حيث نحتفل جميعا بصوم السيدة العذراء مريم
هذه هى مريم عذراء الدهور وام النور التى تفرح القلوب
نطلب منها الشفاعة لتفرح قلوبنا وتحمى بلادنا ونثق انها تستجيب

العودة   منتدى الفرح المسيحى > منتدى شبابيات > فضفضة شبابية بلا حدود

الملاحظات

الحُضن بيهدى الوجع ...

إضافة رد
 
أدوات الموضوع انواع عرض الموضوع
  رقم المشاركة : ( 1 )  
قديم 17 - 05 - 2017, 06:54 PM
الصورة الرمزية Rena Jesus
 
Rena Jesus Female

 الأوسمة و جوائز
 بينات الاتصال بالعضو
 اخر مواضيع العضو
  Rena Jesus غير متواجد حالياً  
الملف الشخصي
رقــم العضويـــة : 1424
تـاريخ التسجيـل : Sep 2013
العــــــــمـــــــــر :
الـــــدولـــــــــــة : مصر
المشاركـــــــات : 40,326 [+]



فى مرة سلمت على واحدة كانت صاحبتى أوى ، كنا زمان لما نسلم على بعض تحضنى جامد جداً فـ اتطمن ، و بعدين جت فى مرة بعد ما بقينا اغراب حضنتنى لما اتقابلنا بس كأنه الحضن غصب عنها

يادوب حضن من عـ الوش كده -- ميطمنّش ... !
و كأنه الحضن قال ، انه كل شئ انتهى !
...




بنت أختى كانت مرة بتعيط جداً و خايفة و مش فاكرة ايه السبب فضلت ازعقلها لما مرضتش تقولى و اخر ما زهقت حضنتها و بعدين لقتها بطلت عياط استشفيت ان هى كانت محتاجة تحس أمان مش أكتر -- يعنى لا محتاجه تقول مالها و لا عاوزة زعيق هى عاوزة تحس بأمان بس ... !
...



مرة شخصٌ ما كان قدام نظرى و كان متعصب اوي من موقف و بيحكى و مخنوق و فجأة جت شخصية قريبة ليه و هو بيزعق فضل يبصلها و يكمل كلامه بعصبيه و زعيق و يعنى كأنه هيتجنن من اللى مضايقه و لقتها فجأة بدون اى مقدمات حضنته !!
و مجرد ما حضنته سكت و فضل بس يعيط و هى بتطبطب عليه و ساكته ..
كأن الحضن كلام ساكت مبيطلعش .. و هدّى الوجع جواه او سكّنه ...
...



مرة من ٨ سنين تعبت جامد بسبب المرارة ، و أبويا خدنى عالمستشفى هو و اخويا جرى و فى العربية ابويا خدنى فى حضنه و دى كانت أطول مدة قعدت فيها فى حضن أبويا و يطبطب عليا ، بس كنت فى حضنه و فى الوجع بقول اه يا ماما مع انه ماما كانت فى البيت وقتها وبعدين ركزت لأ انا فى حضن ابويا ، و لقتنى تلقائى بركز انه اول مره ياخدنى فى حضنه بالشكل ده فبقيت بقول اه يا بابا مش قادره من التعب فلقيته حضنى بزيادة و باس راسى
گ أنه كنت انا اللى حضناه مش هو ، گ أنه ابنى و متعلق بيا و خايف لـ يجرالى حاجه !
...



بقالى يوم و نص مبدخلش لـ قططى بسبب انشغالى و من شوية جيت و دخلتلهم الاوضه و اول ما دخلت حسيت كأنهم عيال حقيقى ، اترموا فى حضنى و عمالين يلفوا حواليا و بيمبو بيرمى التليفون من ايدى علشان اركز معاه و الاعبه و اما فقد الامل راح نازل قاعد علي ايدي و على الموبايل و بيحاول ياخد ايدي عشان احضنه و لما حضنته ناام !!
...



ليا صاحبتى لما كنت اتخنق اقولها اتمنى تكونى جنبى الوقت و احضنك و اعيط ، و لما كانت تجيلى و اشوفها و احضنها معيطش و لما اساال نفسي ليه القانى مجرد ما حضنتها كأنى رميت كل همى فى جوف حضنها و مفيش حاجه للبُكا ..
گ أن حضنها كان بيمحى الألم و خلاص .. !
...



كُنت مرة فى دار ايتام بلاعب ولد صغير و حضنته و كنت برسمله على وشه و انا برسمله قالى ممكن طلب بس اوعى تزعلى قولتله اطلب ، قالى ممكن اقولك يا ماما فابتسمت و قولتله ماشى ، بعدين سيبته و روحت اتكلم مع صحابى و اتفاجئت بايد صغيرة جنبى بتحضن كف ايدى جامد ببص لقيته هو ، قالى عاوز امسك ايدك يا ماما !
و گ أن حضنه لأيدي خلانى انا الـ محتاجاله مش هو ، انا اللى مكنتش عاوزاه يسيبنى
...



ليا واحدة اعرفها كنت بحب احضنها جداً كنت بقيس مدى حبى ليها بحضنى ليها إيماناً منى بأنه مقياس للحب ، جيت مرة بعد بُعد كبير بينا اتقابلنا ، حضنتنى بس لما حضنتها محستش اى شئ ، حسيت انه هى مش موجودة اسااسا دلوقتى ، وقتها عرفت انه الحب بينا انتهى و خلص خلاص
و گ أنه الحضن ده مقيااس لـ الصداقة اللى بينا ، و بمجرد ما بطل يتحس .. ماتت الصداقة دى
...



ليا واحدة صاحبتى من ايام ثانوى ، كنت دايما أقولها انى دايما بحلم انى بحضنها و اعيط و نقعد نضحك ، و بعدها بكام سنة أبويا اتوفى و لقتها من اوائل الناس اللى واقفه جنبى فى العزا و أول ما جت الفرصة ، اترميت فى حضنها و فضلت أعيط ببشاعه و وسط الوجع و قلة التركيز معرفش ليه افتكرت مجموعة الاحلام اللى حلمتها عن حضنها و عياطى من سنين ، و قولتلها يومها و انا فى حضنها ، شوفتى كنت بحلم انى بحضنك و بعيط بس مكنتش اعرف انه الحلم هيتحول حقيقة و هعيط فى حضنك يوم موت أبويا
و گ أنه الحضن كان متأجل لـ وقت عازة ، كان ليه وقت هينفع فيه ، وقت ما بنتكسر فبنحتاج لحاجه تشد علينا زى جناح العصفور اللى بيشدوه بعصاية تحضن حناحه اللى اتكسر ..
...



ليا قريبتى اللغة بينى و بينها فرحاً او حزناً الحُضن ، و سلامنا و وداعنا حُضن حاجه كده محدش بيفهمها غيرنا ، و كأنه فعلاً لُغة خاصة بينا ..
بـ حضن بتعرف فيا ايه و ايه مزعلنى او ايه مفرحنى
غابت عنى كام شهر و لما رجعت اول ما دخلت البيت حضنتني و لقتنى تلقائى بعيط ، و لقتها بطبطب على راسى ، و بتقولى شششش كل حاجه هتبقى تمام
مع انى منطقتش نص كلمة و لا قولتلها فيا ايه ، بس گ أنه اللغة بتاعتنا حكيت كل حاجه خلاص ...
....



الحُضن بيهدى الوجع
الكلمة دى عمرى ما هتنازل عنها ..
الحضن مش حاجه مرتبطه بواحد و واحده ، الحضن أمان بين اى اتنين ..
الحضن لُغة ..
تفصيلة من ضمن التفاصيل الصغيرة اللى تفرح لو بتبث امان و راحة و تكسر لو كانت باردة ..
الحضن هو علاج لكل امراضنا النفسيه
الحضن هو الملجأ وسط الضيق والخنقه

cpd
رد مع اقتباس
قديم 17 - 05 - 2017, 08:26 PM   رقم المشاركة : ( 2 )
walaa farouk Female

الصورة الرمزية walaa farouk

الملف الشخصي
رقــم العضويـــة : 122664
تـاريخ التسجيـل : Jun 2015
العــــــــمـــــــــر :
الـــــدولـــــــــــة : مصر
المشاركـــــــات : 79,155 [+]

 الأوسمة و جوائز
 بينات الاتصال بالعضو
 اخر مواضيع العضو

walaa farouk غير متواجد حالياً

افتراضي رد: الحُضن بيهدى الوجع ...

الحضن هو علاج لكل امراضنا النفسيه
الحضن هو الملجأ وسط الضيق والخنقه

كلام مظبوط يا رينا
  رد مع اقتباس
قديم 18 - 05 - 2017, 07:25 AM   رقم المشاركة : ( 3 )
Rena Jesus Female

الصورة الرمزية Rena Jesus

الملف الشخصي
رقــم العضويـــة : 1424
تـاريخ التسجيـل : Sep 2013
العــــــــمـــــــــر :
الـــــدولـــــــــــة : مصر
المشاركـــــــات : 40,326 [+]

 الأوسمة و جوائز
 بينات الاتصال بالعضو
 اخر مواضيع العضو

Rena Jesus غير متواجد حالياً

افتراضي رد: الحُضن بيهدى الوجع ...

ميرسى لمرورك الغالى
  رد مع اقتباس
قديم 18 - 05 - 2017, 11:50 AM   رقم المشاركة : ( 4 )
Mary Naeem Female
† Administrator Woman †

الصورة الرمزية Mary Naeem

الملف الشخصي
رقــم العضويـــة : 9
تـاريخ التسجيـل : May 2012
العــــــــمـــــــــر :
الـــــدولـــــــــــة : Egypt
المشاركـــــــات : 569,335 [+]

 الأوسمة و جوائز
 بينات الاتصال بالعضو
 اخر مواضيع العضو

Mary Naeem متواجد حالياً

افتراضي رد: الحُضن بيهدى الوجع ...

الحضن هو علاج لكل امراضنا النفسيه
الحضن هو الملجأ وسط الضيق والخنقه
في منتهى الجمال يا قمر
ربنا يباركك

  رد مع اقتباس
قديم 19 - 05 - 2017, 08:45 AM   رقم المشاركة : ( 5 )
Rena Jesus Female

الصورة الرمزية Rena Jesus

الملف الشخصي
رقــم العضويـــة : 1424
تـاريخ التسجيـل : Sep 2013
العــــــــمـــــــــر :
الـــــدولـــــــــــة : مصر
المشاركـــــــات : 40,326 [+]

 الأوسمة و جوائز
 بينات الاتصال بالعضو
 اخر مواضيع العضو

Rena Jesus غير متواجد حالياً

افتراضي رد: الحُضن بيهدى الوجع ...

ميرسى لمرورك الغالى
  رد مع اقتباس
إضافة رد

أدوات الموضوع
انواع عرض الموضوع

الانتقال السريع


الساعة الآن 01:46 PM
Powered by vBulletin® Copyright ©2000 - 2017, Jelsoft Enterprises
|| بالتعاون و العطاء نصنع النجاح و الأستمرارية لهذا الصرح الكبير ||
جميع المواضيع والمشاركات المكتوبة تعبر عن وجهة نظر كاتبها
وليس بالضرورة عن وجهة نظر إدارة المنتدى