منتدى الفرح المسيحى  


العودة   منتدى الفرح المسيحى > منتدى الأسرة و المرأة > بيت على الصخر

أمتى ترجعى بيتك بعد ما سيبتيه؟؟؟؟

إضافة رد
 
أدوات الموضوع انواع عرض الموضوع
  رقم المشاركة : ( 1 )  
قديم 19 - 04 - 2017, 08:44 PM
الصورة الرمزية Rena Jesus
 
Rena Jesus Female

 الأوسمة و جوائز
 بينات الاتصال بالعضو
 اخر مواضيع العضو
  Rena Jesus متواجد حالياً  
الملف الشخصي
رقــم العضويـــة : 1424
تـاريخ التسجيـل : Sep 2013
العــــــــمـــــــــر :
الـــــدولـــــــــــة : مصر
المشاركـــــــات : 40,084 [+]




كان فى بوست لصديق كاتب ينصح فيه الست اللى سايبه جوزها وهو بيزن يرجعها أنها ترجعله،

وبيقول أن الراجل اللى بجد هو اللى يطلب من الست تتجوزه فما بالك بالراجل اللى طلع من قفص ست وشاف الحرية وراجع لنفس القفص برجليه !

النهارده هنتكلم للستات الحيرانة بعد ما عدت بكل الحفر والمطبات وبدأت المشى على الطريق المسفلت فى قلبها،
لما يرجع حد يكعبلها تانى المفروض تعمل ايه ؟!

الأنفصال (أو انك تسيبى بيتك) طلقة فى قلبك وكسرة ضهر، عمر ما حد بيتجوز وفى عقله فى يوم أنه ممكن يبدل القسيمة الحلوة بقسيمة تمثل شهادة وفاة لسنين عمرعدت، عمر ما الست بتتخيل أن فى راجل وعدها بالأمان هيمشى ويخذلها ويعرى ضهرها أو هتخوض حرب لمجرد أنها تصحى الصبح مش على ذمة قلبه، فخلينا متفقين أنك مكسورة وبتعافرى وبتكابرى وشجاعة مش ضحية.

أول سؤال لازم تفكرى فيه .. سيبتوا بعض ليه ؟

شفت ناس سابت بعض فى خناقة هبلة، لقلة خبرتهم أو ثقل طشة المسئولية الأولى فى الجوازعلى قلوبهم،
قالتله بزعيق “أنا همشى” .. قالها ” أمشى”،
اتصدموا وبعد البعد يومين ظهرالحنين والندم .. مايرجعوش ليه !
هيتعلموا الدرس ويعرفوا أن الأنفصال مش كلمة سهلة فى خناقة بتطلع .

وفى ناس بتمل، بعد سنين جواز وخلفة بتزهق، بتشوف أن الحل فى أن القفص المقفول يتفتح ونطير،
لكن بيلاقوا بعد فترة أن اللى جوا القفص زى اللى براه وأن الحياة هى اللى بقى أوكسجينها أقل ورتمها أصعب ..
شكلنا بنكبر وبنعجز وبنرفض بأى طريقة سنة الحياة.

فى مشاكل أكبر من التسرع أو الملل،
مشاكل بتطفى الست من جواها وتدبل يوم ورا يوم والورد بيدبل وتقع أوراقه حتى لو اتروى مابيرجعش، لأن اللى بيروح فى الدنيا مابيرجعش يا سادة ..
فلو سبب الأنفصال ده لسه موجود فكرى تانى هترجعى أنتى ليه !

لو لسه الحد اللى بيخون عاجبه ماسورة النسوان حواليه هتحشرى نفسك فى الزحمة تانى وماتعرفيش تتنفسى صبح وليل وتضيق الدنيا على وسعها فى عينك وثقتك بنفسك تروح واحساسك أنك آدمية يلزق فى كعب صاحبته الجديدة، هتعيدى كل السيناريو الحزين من الأول ؟

لو لسه أهله بيتحكموا فى حياتك وحياة ولادك

لو لسه بيضربك ويتأسف

لو لسه بخيل وكسلان يصرف أو يحب أو يطبطب أو يحامى ويحمي

لو لسه مش عارف يبقى أب

لو لسه مدمن .. مدمن سهر ومدمن صحاب ومدمن اهانة ومدمن اهمال ومدمن تحكم

لو لسه كل يوم الصبح مدمن فكرة أنك بتاعته زى كرسى سفرة مرمى بفلوسه اشتراه ومش من حقك تطلبى حنية واحترام واهتمام ..
هترجعى لواحد مدمن ليه !

مش شرط كل راجل بيرجع يبقى بيحب ما يمكن أنانى ومحدش استحمله،
ما يمكن مش مبسوط من غير ولاده ودفا البيت بغض النظر كان بيدى ايه مفتقد اللى كان بياخده،
ما يمكن ساب صاحبته وقرر يرجع للاستبن أم العيال ..

ويمكن ندمان حقيقى ماحدش بيدخل فى نوايا وقلوب البشر غير اللى خالقهم هواللى عارف يسامحهم،
أنتى مجرد بشر يمكن تعرفى أو ماتعرفيش المهم على نفسك ماتدوسيش.

قدرة كل ست على الغفران أو النسيان تتناسب طرديا مع مقدار الحب اللى فى قلبها وشكل الحياة قبل الأنفصال،
يعنى لو كانوا مبسوطين وافترقوا فى أزمة يمكن تنسى وتغفر ومطب وخلصنا،
لكن لو كانت عايشة مطفية ولقت نفسها فى غيابه أخف ومحلوية ترجع ليه للضلمة والهم والمناكفة !

الحاجات اللى بتلوى دراع الست بعد الأنفصال معروفين ..

أهلها وأصحابها.. ارجعيله وأبو عيالك وكل الرجالة زفت وأحسن من غيره والخازوق اللى نعرفه أحسن من اللى مانعرفوش.
ماتصدقيش غير قلبك، فى النهاية أنتى الشخص اللى هينام جنبه فى نفس السرير ويتنفس نفس الأوكسجين لو مش عارفة تتنفسى هتموتى ومحدش هينفعك أو يلحقك ولا الخازوق اللى بتاخديه للمرة التانية هيبقى قادر يحس،
أنتى اللى عملتى فى نفسك كده وسمحتيله بالوجع من أول وجديد، اشتغلى على احساس أنك تستاهلى الحب وتستاهلى حد يحترمك وتقولى لنفسك كل يوم الصبح أنك قوية وجميلة وذكية وأن العمر قصير تتونسى فيه لوحدك من غير راجل أو مع راجل يقدر قيمتك ويحبك لكن كل المحاولات البائسة مع أعمى مش شايفك أيام ضايعة من عمرك.

الفلوس .. فى ستات مش بتحب تشتغل وتتعب نفسها وممكن تهين كرامتها مع واحد فى سبيل أنه بيصرف وهى بطة وتطنش، عموما دى اختيارات فردية بس هوووووش ماتشتكيش،
وفى ستات مطحونة علشان تصرف والرجالة بيطحنوهم أكتر بالتزامهم المالى تجاه العيال، يبدو لى الأستقلال المادى مفتاح حرية لاتخاذ قرار بالبقاء أو الرحيل، لو سمحتى اشتغلى.
العيال..

أكبر صراع بتعيشه زوجة أنها تهجر زوج سيىء أنه يبقى أب كويس، نظرية يا أنا أعيش ياولادى تعيش،
الفكرة أن نسبة مقاومة كل ست فى تكبير دماغها بتختلف من واحدة للتانية،
ممكن ست تعيش مع راجل مش شايفاه وممكن واحدة تهد الدنيا لو مقالش صباح الخير،
لكن تبقى دائما الأم السعيدة قادرة تربى ولاد سليمة نفسيا.

الزمن بيجاوب على أسئلة كتير جواكى، المواقف اللى بيمر بيها البشر كل يوم بتعيد ترتيب أولوياتهم،
يمكن تبعدى وتحسى بحنين وتحبى ترجعى وتخوضى حرب التغيير أو تبقى أكثر تقبلا وتعايشا مع الباقى من عيوبه بعد التغيير،
وممكن رغم كل مشاكل الأنفصال تبقى أسعد وأريح .. التجربة هى الفيصل،
الاجازات وأعياد الميلاد وأعياد الحب، أيام المستشفيات وصوان العزاء ..
كل الأيام اللى بتنامى من غيره فى سريرك بيوحشك ولا مبسوطة من غيره

لما ترجعى لراجل كسرك أوعى يغيب عن بالك فكرة أنه قدر زمان يكسرك فخليكى أقوى وشروط أنك ترجعيله ..

” التغيير” سبب الأنفصال اختفى، عمل مجهود حقيقى واختلف فنضمن مستقبل مختلف عن الماضى

” الندم” نص طريق التسامح أسف وبقيته ندم، كفاية بجاحة وحاجات مضمونة فى حياتنا

” الحب” يا عزيزتى المشاعر هى اللى لازم تحركك لا العيال ولا الفلوس،
لما أشياء أخرى بتحكمك بتبقى تعيسة ومطفية لدرجة أنك شبح،
شبح عايش تايه مع وحش وشبح بيربى العيال فتأثيره عليهم بهتان.

مايمفعش انصحك لأن كل زوجين حالة لكن بحاول أساعدك تمسكى أول الخيط اللى يرتب طريقة تفكيرك لكن القرار لوحدك من غيرمقال أونصيحة أهل أوتجارب صحاب،
هتعملى اللى يسعدك لوعايزاه دافعى عنه باستماتة
ولو بتكرهيه اطرديه للأبد لكن ممكن أقولك وبقوة اتبعى احساسك واقتلى فى الحياة أى موقف أوانسان ممكن يحولك لشبح،
افتكرى أن عالم الأشباح هو مقر الأموات وأنتى لسه حية.

cpd
رد مع اقتباس
قديم 20 - 04 - 2017, 10:10 AM   رقم المشاركة : ( 2 )
Eereeny Female
نشط | الفرح المسيحى


الملف الشخصي
رقــم العضويـــة : 123331
تـاريخ التسجيـل : Jan 2017
العــــــــمـــــــــر :
الـــــدولـــــــــــة : مصر
المشاركـــــــات : 67 [+]

 الأوسمة و جوائز
 بينات الاتصال بالعضو
 اخر مواضيع العضو

Eereeny غير متواجد حالياً

افتراضي رد: أمتى ترجعى بيتك بعد ما سيبتيه؟؟؟؟

ميرسى موضوع رائع
  رد مع اقتباس
قديم 20 - 04 - 2017, 11:26 AM   رقم المشاركة : ( 3 )
Mary Naeem Female
† Administrator Woman †

الصورة الرمزية Mary Naeem

الملف الشخصي
رقــم العضويـــة : 9
تـاريخ التسجيـل : May 2012
العــــــــمـــــــــر :
الـــــدولـــــــــــة : Egypt
المشاركـــــــات : 563,630 [+]

 الأوسمة و جوائز
 بينات الاتصال بالعضو
 اخر مواضيع العضو

Mary Naeem غير متواجد حالياً

افتراضي رد: أمتى ترجعى بيتك بعد ما سيبتيه؟؟؟؟

مشاركة جميلة جدا
ربنا يبارك حياتك
  رد مع اقتباس
قديم 20 - 04 - 2017, 07:25 PM   رقم المشاركة : ( 4 )
MenA M.G Male

الصورة الرمزية MenA M.G

الملف الشخصي
رقــم العضويـــة : 123114
تـاريخ التسجيـل : Aug 2016
العــــــــمـــــــــر :
الـــــدولـــــــــــة : مصر
المشاركـــــــات : 72,452 [+]

 الأوسمة و جوائز
 بينات الاتصال بالعضو
 اخر مواضيع العضو

MenA M.G غير متواجد حالياً

افتراضي رد: أمتى ترجعى بيتك بعد ما سيبتيه؟؟؟؟

موضوع أكثر من روعة .. مشاركة جميلة جدا
دائماً فى تقدم ورقى
ربنا يبارك خدمتك
  رد مع اقتباس
قديم 21 - 04 - 2017, 02:28 PM   رقم المشاركة : ( 5 )
Rena Jesus Female

الصورة الرمزية Rena Jesus

الملف الشخصي
رقــم العضويـــة : 1424
تـاريخ التسجيـل : Sep 2013
العــــــــمـــــــــر :
الـــــدولـــــــــــة : مصر
المشاركـــــــات : 40,084 [+]

 الأوسمة و جوائز
 بينات الاتصال بالعضو
 اخر مواضيع العضو

Rena Jesus متواجد حالياً

افتراضي رد: أمتى ترجعى بيتك بعد ما سيبتيه؟؟؟؟

ميرسى لمروركم الغالى
  رد مع اقتباس
قديم 21 - 04 - 2017, 02:34 PM   رقم المشاركة : ( 6 )
walaa farouk Female

الصورة الرمزية walaa farouk

الملف الشخصي
رقــم العضويـــة : 122664
تـاريخ التسجيـل : Jun 2015
العــــــــمـــــــــر :
الـــــدولـــــــــــة : مصر
المشاركـــــــات : 76,209 [+]

 الأوسمة و جوائز
 بينات الاتصال بالعضو
 اخر مواضيع العضو

walaa farouk غير متواجد حالياً

افتراضي رد: أمتى ترجعى بيتك بعد ما سيبتيه؟؟؟؟

ميرسي على الموضوع الجميل
  رد مع اقتباس
قديم 23 - 04 - 2017, 06:45 AM   رقم المشاركة : ( 7 )
Rena Jesus Female

الصورة الرمزية Rena Jesus

الملف الشخصي
رقــم العضويـــة : 1424
تـاريخ التسجيـل : Sep 2013
العــــــــمـــــــــر :
الـــــدولـــــــــــة : مصر
المشاركـــــــات : 40,084 [+]

 الأوسمة و جوائز
 بينات الاتصال بالعضو
 اخر مواضيع العضو

Rena Jesus متواجد حالياً

افتراضي رد: أمتى ترجعى بيتك بعد ما سيبتيه؟؟؟؟

ميرسى لمرورك الغالى
  رد مع اقتباس
إضافة رد

أدوات الموضوع
انواع عرض الموضوع

الانتقال السريع


الساعة الآن 08:53 AM
Powered by vBulletin® Copyright ©2000 - 2017, Jelsoft Enterprises
|| بالتعاون و العطاء نصنع النجاح و الأستمرارية لهذا الصرح الكبير ||
جميع المواضيع والمشاركات المكتوبة تعبر عن وجهة نظر كاتبها
وليس بالضرورة عن وجهة نظر إدارة المنتدى